სერიალში "9+1" ედუარდ შევარდნაძეს ენტონი ჰოპკინსი განასახიერებს - ხაინდრავა ამბიციური გეგმის შესახებ

სატელევიზიო მხატვრულ სერიალში "9+1", რომელიც ბიძინა ივანიშვილის დაკვეთით ტელეკომპანია "ჯი-დი-ეს"-ის ეთერში სავარაუდოდ, სექტემბრიდან გავა, შესაძლოა, პრეზიდენტ ედუარდ შევარდნაძის როლი ჰოლივუდის ლეგენდარულმა ვარსკვლავმა, ენტონი ჰოპკინსმა შეასრულოს, - ამის შესახებ გაზეთ "ასავალ-დასავალთან" სერიალის რეჟისორი გოგა ხაინდრავა საუბრობს. Ambebi.ge გთავაზობთ მცირე ფრაგმენტს ინტერვიუდან:

***

- ფილმის სცენარი უკვე მზად არის?

- სცენარი ახლა იწერება! წინასწარ ვერავინ იტყვის, ფილმი 200-სერიანი იქნება, 18-სერიანი, 365-სერიანი, თუ 2700-სერიანი, წინდაწინ ამის განსაზღვრა შეუძლებელია! ერთადერთი, რისი თქმაც ახლავე შემიძლია, ის არის, რომ საპნის ოპერისა და თურქული სერიალის მსგავსი რამის გაკეთებას არ ვაპირებ, მე შემიძლია, სერიოზული კინო გადავიღო, ეს არის ჩემი პროფესია!

- ამა თუ იმ როლზე რომელიმე ცნობილი მსახიობი თუ გყავთ უკვე შერჩეული?

- ერთი მსახიობი ვიცი, ვინც ძალიან მინდა, რომ ამ სერიალში მოვიწვიო!

- ვის გულისხმობთ?

- ენტონი ჰოპკინსს!

- ოჰო, ჰოლივუდის ლეგენდარული ვარსკვლავი უნდა ჩამოიყვანოთ? და ვის როლს შესთავაზებთ მას?

- ედუარდ შევარდაძის როლს! მოკლე როლი იქნება, მაგრამ ძალიან მინდა, რომ ენტონი ჰოპკინსმა შეასრულოს! ძალიან მიყვარს ეს მსახიობი!

- თუ გამოვიდა, მაგარი იქნება!

- "თუ" შეგიძლიათ, მოხსნათ, რადგან, დარწმუნებული ვარ, აუცილებლად გამოვა!

სიახლე!

თუ დაინტერესებული ხართ მხოლოდ საზოგადოებრივი თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი