2015 წლის გრემის გამარჯვებულები (+ ფოტოგალერეა)

დღეს, 9 თებერვალს, ლოს ანჯელესში გაიმართა ყველაზე პრესტიჟული მუსიკალური პრემიის, გრემის დაჯილდოების 57-ე ცერემონია. საღამოს ტრიუმფატორი გახდა ბრიტანელი მომღერალი სემ სმიტი. მისი სიმღერა Stay With Me დასახელდა წლის საუკეთესო ჩანაწერად. აგრეთვე ის ლაურეატად დასახელდა ნომინაციებში - ”წლის სიმღერა”, ”საუკეთესო ახალი მომღერალი” და ”საუკეთესო ვოკალური ალბომი პოპ ჟანრში”.

ყველა ამ ჯილდოს მფლობელმა განაცხადა, რომ ეს საუკეთესო ღამე იყო მის ცხოვრებაში. სმიტი აღმოჩნდა გრემის გამარჯვებული პირველი გეი შემსრულებელი, რომელიც ღიად აცხადებს, რომ გეია.

აგრეთვე გრემის ისტორიაში შევიდა ბიონსე, რომელსაც ნომინაციების რეკორდული მაჩვენებელი დაუგროვდა. მომღერალი ჯამში, 53-ჯერ იყო წარდგენილი სხვადასხვა ნომინაციებში. დღეს გამართულ ცერემონიაზე ბიონსეს სამი გრემი ერგო, რითაც საკუთარ გამარჯვებათა რიცხვი 20-მდე გაზარდა.

ფოტოგალერეის ბმულზე იხილავთ წითელი ხალიჩის ფოტოებს და გადაავლებთ თვალს, თუ ვინ როგორ გამოიყურებოდა პრესტიჟულ დაჯილდოებაზე.

იხილეთ ფოტოგალერეა