მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა დაავადება შეიძლება გადაგვედოს საზოგადოებრივ ტრანსპორტში – რისკები და რეკომენდაციები
05:39 / 05-02-2017
ვართ თუ არა მგზავრები დაცული იმისგან, რომ საზოგადოებრივ ტრანსპორტში ამა თუ იმ დაავადებით არ დავსნებოვნდეთ, ამ კუთხით რა რისკები არსებობს, როგორ დავიცვათ თავი ინფექციებისგან ტრანსპორტში და საერთოდ, ტარდება თუ არა სადეზინფექციო სამუშაოები საზოგადოებრივ ტრანსპორტში, რათა მეტ-ნაკლებად მაინც ვიყოთ დაცულები დაავადებებისგან.
ისე, რა ამის პასუხია და, მეტროს ვაგონებშიც ხშირად მიგვრძნია შარდის სუნი და დაბინძურებულიც ხშირად ყოფილა... მოკლედ, ამ თემის ფართოდ გასაშლელად, სხვადასხვა დარგის სპეციალისტს მივმართე. ერთ-ერთი პირველია ნინო გაბისონია, ბავშვთა ინფექციური კლინიკური საავადმყოფოს ექიმი-ინფექციონისტი:
- ზოგჯერ ტრანსპორტი ისეთი გადავსებულია, ადამიანები, შეიძლება ითქვას, რომ "ცალ ფეხზეც" კი დგანან. იქ არსებული სივრცე არ ნიავდება (ფანჯარას არ აღებენ), სახელურებს ხელს უამრავი ადამიანი ჰკიდებს და აბინძურებს. ასეთ სიტუაციაში რა დაავადებების გადადების რისკები არსებობს?
- ასეთ ადგილებში მოხვედრისას, პირველ რიგში, მწვავე რესპირატორული დაავადების გადადების დიდი რისკი არსებობს. თქვენ გადაჭედილი ტრანსპორტი ახსენეთ, მოქალაქეები მართლაც, ახლო მანძილზე არიან ერთმანეთთან და ხველით, ცემინებით, უბრალოდ, ამონასუნთქითაც კი ხდება დაინფიცირება. მით უმეტეს, თუ საკმაოდ ახლო მანძილზე არიან ერთმანეთთან, ასე 20-30 სანტიმეტრის დაშორებით. ის კი არა, ზოგჯერ ერთ მეტრზე დაცილების შემთხვევაშიც, დაცემინებისას, დახველებისას მაინც ხდება დასნებოვნება, ანუ ჰაერწვეთოვანი ინფექციები ამონასუნთქით, ამონახველით, დაცემინებით ვრცელდება, ვირუსი ცხვირ-ხახაში ხვდება და თუ ადამიანს დაბალი იმუნიტეტი აქვს, ადვილად დაავადდება ისეთი ინფექციებით, როგორც არის რინიტი, გრიპი და ა.შ.
ამის გარდა, ტრანსპორტში დასნებოვნების რისკები კანის დაავადებების კუთხითაც არის შესაძლებელი, ანუ ხდება დერმატიტების გადადება.
დიახ, ამ კუთხით დასნებოვნების დიდი შანსი არსებობს, თუ იქ მოხვდება კანის პარაზიტული დაავადებების (მაგალითად, მუნი) მქონე ადამიანი. როდესაც ავადმყოფი ტრანსპორტში სახელურს ჰკიდებს ხელს და მერე მის ნათითურებს ჯანმრთელი ადამიანი შეეხება (თუ კანზეც პატარა დეფექტები აქვს), ადვილი შესაძლებელია, დაავადდეს კანის პარაზიტული დაავადებებით.
- რაც შეეხება სავარძლებს, იქიდან დასნებოვნების რა რისკები არსებობს?
- იგივეა აქაც. თუ მგზავრი ტანსაცმლით ეხება სავარძელს, საშიშროება არ არის, თუ შიშველი კანით (ფეხი, ხელი) მოხვდა და შემდეგ ამ ადგილს ჯანმრთელი ადამიანი ასევე შიშველი კანით შეეხო, თუ კანს მცირე დეფექტიც აქვს, აუცილებლად დაავადდება.
- რა რეკომენდაციების გაცემა შეგიძლიათ?
- ხელს რომ ხშირი დაბანა უნდა, ამაზე აღარ მინდა საუბარი... მოკლედ, ელემენტარული კულტურაა, როდესაც ხარ ავად და ადიხარ ტრანსპორტში, ნიღაბი უნდა გაიკეთო, რადგანაც ასეთი პაციენტების გამო მთელი მოსახლეობა ნიღბით ვერ ივლის.
- ვისაც კანის დაავადება აქვს, ის როგორ უნდა მოიქცეს?
- ესეც მისი კულტურის ნაწილია. თუ გადამდები დაავადებაა, გამწვავების პერიოდი აქვს, თან, მკურნალობს და თან, აუცილებელია მისი გადაადგილება საზოგადოებრივი ტრანსპორტით, მაქსიმალურად უნდა ეცადოს, ჰიგიენური ხელთათმანები გაიკეთოს...
- რასაც ალბათ, არავინ აკეთებს. ეს დაუდევრობაა... როგორ უნდა მოხდეს ტრანსპორტის დეზინფექცია?
- აუცილებლად უნდა მოხდეს სავარძლების სახელურების სადეზინფექციო ხსნარებით დამუშავება, ანუ იმ ადგილების, რასაც ადამიანი ეხება. ძალიან მეეჭვება, რომ ეს კეთდება.ამის შემდეგ შევეხმიანეთ თბილისის სატრანსპორტო კომპანიას.
- საზოგადოებრივ ტრანსპორტში ზოგადად, სადეზინფეციო სამუშაოები რა სიხშირით ტარდება?
ნუცა ხიდირბეგიშვილი, თბილისის სატრანსპორტო კომპანიის პიარისა და მარკეტინგის სამსახურის უფროსი:- ჩვენს კომპანიაში დაქვემდებარებაშია მეტრო და ავტობუსები, სადაც ყოველდღე ტარდება დასუფთავების სამუშაოები. მეტროს ვაგონები როგორც კი სამუშაოს დაამთავრებენ და დეპოში შედიან, უამრავი ჩვენი თანამშრომელი ტრანსპორტის დასუფთავებაზე ზრუნვას იწყებს. როგორც გარედან ხდება კაპიტალური გაწმენდა, ძირითადად, გარეცხვა, ასევე შიგნით წმენდენ.
- შიგნით როგორ იწმინდება?
- სპეციალური ხსნარებით ასუფთავებენ ვაგონებს და ავტობუსის სალონებს, ანუ იგივე ხდება ავტბუსებთან დაკავშირებითაც. როდესაც ისინი ავტოპარკებში შედიან, მანქანები ირეცხება, შემდეგ მათ სპეციალური ხსნარებით ამუშავებენ. საერთოდ, ორი სახის (დერატიზაცია და დეზინფექცია) დასუფთავება ხდება, როგორც მეტროს ვაგონების, ასევე ავტობუსების.
- რა არის დერატიზაცია?
- სალონებში მღრღნელების საწინააღმდეგო ხსნარებს იყენებენ. მოკლედ, იწმინდება როგორც სავარძლები, ასევე მთლიანად ვაგონი, სახელურები, შუშები; დეზინფექციისას კი მწერების საწინააღმდეგო ხსნარის გამოყენება ხდება.
- ზოგჯერ ისეთი დაბინძურებულია ტრანსპორტი, რომ ცოტა დაუჯერებელიც კია, რომ ეს პროცედურები ყოველდღე ტარდება?
- სადეზინფექციო სამუშაოები ყოველდღე ტარდება, ეს ჩვენი მოქალაქეების კომფორტული მგზავრობისთვის არის აუცილებელი. ხომ გეუბნებით, არის სპეციალური ხსნარები, ზოგი იატაკისთვის, ზოგი შუშისთვის, ზოგი კედლებისთვის, სახელურებისთვის და ა.შ. რომლითაც ხდება ჩვენი საზოგადოებრივი ტრანსპორტის დასუფთავება.
პ.ს. იმედი ვიქონიოთ, რომ სატრანსპორტო კომპანია ამ სამუშაოებს ყოველდღე მართლაც ატარებს, თუმცა ამის შემოწმებაც შეიძლება... მაგრამ სანამ ამას შევამოწმებთ, ბევრი რამ ჩვენზეც, ანუ მოქალაქეების კულტურაზეა დამოკიდებული...
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
