დემონსტრანტებმა უკრაინის პრეზიდენტის ადმინისტრაციის შტურმი სცადეს
დემონსტრანტებმა უკრაინის პრეზიდენტის პეტრო პოროშენკოს ადმინისტრაციის შტურმი სცადეს, თუმცა, პოლიციამ მათი შეჩერება შეძლო. მანამდე კი, გუშინ თითქმის მთელი დღის განმავლობაში რეზიდენციასთან აქცია მიმდინარეობდა.
უკრაინული მედიის ცნობით, მომიტინგეები პოროშენკოს ქვეყანაში საომარი მდგომარეობის გამოცხადებისკენ მოუწოდებდნენ. მოგვიანებით მათთან პრეზიდენტის ადმინისტრაციის წარმომადგენელი გამოვიდა და პირობა მისცა, რომ დემონსტრანტების მოთხოვნასთან დაკავშირებით პოროშენკოსთან შეხვედრას გამართავდა, რის შემდეგაც მომიტინგეები დაიშალნენ. აქცია სანქცირებული იყო და მას ათობით ადამიანი ესწრებოდა. ამ დროისთვის პოროშენკოს რეზიდენციასთან სიმშვიდეა.
"გაზეტა.რუ"-ს ცნობით, პრეზიდენტის ადმინისტრაციასთან შეკრებილები ქალაქ დებალცევოდან უკრაინის შეიარაღებული ძალების 25-ე ბატალიონის გაყვანასაც ითხოვდნენ. დებალცევოში მებრძოლი სამხედროების ნათესავები და ახლობლები გუშინ თავდაცვის სამინისტროსთანაც შეიკრიბნენ, თუმცა, აქცია მშვიდობიანად დასრულდა.
"ინტერპრესნიუსი"
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
