"ისლამური სახელმწიფოს" "ბოევიკებმა" იორდანიელი მფრინავი ცოცხლად დაწვეს

"ისლამური სახელმწიფოს" "ბოევიკებმა" იორდანიელი მფრინავი მუაზა ალ-კასასბეხი ცოცხლად დაწვეს. "ალ ჯაზირას" ინფორმაციით, "ბოევიკებმა" ფაქტის ამსახველი ვიდეომასალა გაავრცელეს, თუმცა ვიდეომასალის ავთენტურობა, ასევე, მფრინავის სიკვდილი ჯერ ოფიციალურად დადასტურებული არ არის. უფრო ადრე ისლამისტების მომხრეებმა სოციალურ ქსელებში მფრინავის დაგეგმილი მკვლელობის ამსახველი ფოტომასალა გაავრცელეს. პირველი ლეიტენანტი მუაზ ალ-კასასბეხი ტყვედ გასული წლის დეკემბერში ჩავარდა, როდესაც მისმა თვითმფრინავმა F-16 სირიის ქალაქ რაკაში ავიაკატასტროფა განიცადა. "ბოევიკების" მტკიცებით, თვითმფრინავი რაკეტით ჩამოაგდეს.

"ინტერპრესნიუსი"სიახლე!

თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.