ლეონიდ თიბილოვმა რუსეთს ე.წ.მეკავშირეობისა და ინტეგრაციის შესახებ შეთანხმების პროექტი გაუგზავნა
ე.წ. სამხრეთ ოსეთის დე-ფაქტო პრეზიდენტის ლეონიდ თიბილოვის განცხადებით, ოსურმა მხარემ რუსეთს მეკავშირეობისა და ინტეგრაციის შესახებ შეთანხმების პროექტი გაუგზავნა. "რუსეთისა და სამხრეთ ოსეთის ერთობლივმა სამუშაო ჯგუფმა დაასრულა მუშაობა შეთანხმების პროექტზე და შეთანხმებული დოკუმენტი ოფიციალურად გაეგზავნა მოსკოვს", - აღნიშნა ლეონიდ თიბილოვმა.
რუსეთსა და ე.წ. სამხრეთ ოსეთს შორის მეკავშირეობისა და ინტეგრაციის შესახებ შეთანხმების პროექტი 15 მუხლისგან შედგება. როგორც დოკუმენტშია აღნიშნული, შეთანხმება ითვალისწინებს ერთიანი თავდაცვითი და უსაფრთხოების სივრცის შექმნას, ასევე რუსეთ-სამხრეთ ოსეთის საზღვარზე სასაზღვრო-გამშვები პუნქტების გაუქმებას.
დოკუმენტის თანახმად, ე.წ. სამხრეთ ოსეთის შეიარაღებული ძალების ცალკეული ქვედანაყოფები და უსაფრთხოების ორგანოები რუსეთის შეიარაღებული ძალების შემადგენლობაში შევა.
მასწავლებელი ოკუპირებული აფხაზეთიდან, რომელიც საქართველოს 5 საუკეთესო პედაგოგს შორისაა, მისი წიგნები კი ბესტსელერია
"სიკვდილ-სიცოცხლის არჩევანის წინაშე გვაყენებენ, მიგრაცია გარდაუვალია" - უვადოდ ჩაკეტილი ახალგორის გზა და ცხოვრება იზოლაცაში
