იენს სტოლტენბერგი - მადლობელი ვარ საქართველოსთან პარტნიორობით
საქართველო ნატო-ს მნიშვნელოვანი პარტნიორია. მადლობელი ვარ ამ პარტნიორობით და იმ წვლილისთვის, რაც საქართველოს შეაქვს ჩვენს ოპერაციებში. ამის შესახებ ნატო-ს გენერალურმა მდივანმა, იენს სტოლტენბერგმა ყოველთვიურ პრესკონფერენციაზე "საზოგადოებრივი მაუწყებლის" ჟურნალისტის მიერ დასმულ კითვაზე პასუხისას განაცხადა. მისივე თქმით, მომავალ კვირას ნატო-საქართველოს კომისიის ფარგლებში შეხვედრა გაიმართება ნატო-ს თავდაცვის მინისტრებსა და საქართველოს თავდაცვის მინისტრთან.
"ეს საქართველოსა და ნატო-ს შორის მჭიდრო თანამშრომლობის დადასტურებაა. მოუთმენლად ველი შეხვედრას მომავალ კვირას ნატო-საქართველოს კომისიაში. ჩვენ იმას ვახორციელებთ, რაც გადავწყვიტეთ - დავიწყეთ არსებითი პაკეტის განხორციელება. ეს არის თავდაცვისუნარიანობის გაძლიერება, საქართველოს არმიის მოდერნიზებისა და რეფორმირების მხარდაჭერა. ჩვენ ახლა საწვრთნელ ცენტრებს ვქმნით. ნატო-ს პერსონალთან ერთად ვგეგმავთ ქართველ სამხედრო პერსონალთან ერთად მუშაობას. მათ გაწვრთნასა და განათლებას. ეს არსებითი პაკეტის მნიშვნელოვანი ნაწილია. საქართველოს მნიშვნელოვანი წვლილი შეაქვს ავღანეთსა და სხვა ოპერაციებში. მადლობელი ვარ ამ პარტნიორობით და იმ წვლილისთვის, რაც საქართველოს შეაქვს ჩვენს ოპერაციებში", - განაცხადა იენს სტოლტენბერგმა "საზოგადოებრივი მაუწყებლის" ჟურნალისტის შეკითხვაზე.
"ინტერპრესნიუსი"
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
