"გალფში" საგამოძიებო სამსახური შევიდა

კომპანია "გალფში" საგამოძიებო სამსახური შევიდა. ინფორმაცია ამის შესახებ "ინტერპრესნიუსს" ფინანსთა სამინისტროს საგამოძიებო სამსახურში დაუდასტურეს.

"გალფში" საგამოძიებო მოქმედებები მიმდინარეობს 218-ე მუხლით, რაც გადასახადებისგან თავის არიდებას გულისხმობს. მიმდინარეობს დოკუმენტების შესწავლა. დამატებით დეტალებს ჯერჯერობით ვერ გეტყვით", - აცხადებენ ფინანსთა სამინისტროს საგამოძიებო სამსახურში.

კომპანია ”გალფის” ერთ-ერთი მფლობელია რუსეთში მცხოვრები დავით იაკობაშვილი.

"ინტერპრესნიუსი"