მნიშვნელოვანი ინფორმაცია
10
ივლისიდღის ზოგადი ასტროლოგიური პროგნოზი
10 ივლისი, ხუთშაბათი, მთვარის მეთექვსმეტე დღე დაიწყება 22:46-ზე – დაასრულეთ დაუსრულებელი დავალებები. მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ფულადი ოპერაციები. დოკუმენტების, კონტრაქტებისა და ხელშეკრულებების გაფორმება. მივლინება. მოლაპარაკებების წარმოება. მუშაობის დაწყება ახალ ადგილას. უარყოფითი ემოციების გამოვლენა. არ არის რეკომენდებული ცხოველური საკვების მიღება. დღის მენიუ უნდა შედგებოდეს ხილისა და ბოსტნეულისგან. დღეს ურთიერთობების დალაგებას და კამათს აზრი არა აქვს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სერიოზული პრობლემა პატრულის მაგინებელი გოგონას სკანდალის მიღმა - ვის დასჯის კანონი
07:53 / 28-01-2015
მართალია, პატრულის თანამშრომლისა და მოქალაქე ეკა ყუშიტაშვილის დიალოგზე სრულიად საქართველომ იხალისა, თუმცა შესაძლოა, ჩანაწერის გამავრცელებელი მალე ხუმრობის განწყობაზე არ დადგეს - პერსონალურ მონაცემთა დაცვის ინსპექტორის, თამარ ქალდანის განცხადებით, ვიდეოს გავრცელების ისტორიას სხვადასხვა უწყებები უკვე სწავლობენ და შესაძლოა, მისი გამავრცელებლის სისხლის სამართლის პასუხისმგებლობის საკითხიც დადგეს.
Ambebi.ge დაინტერესდა, თუ რამდენად ნორმალურია, როდესაც ასეთი ტიპის ჩანაწერები პოლიტიკური პარტიის (ნაციონალური მოძრაობის) ხელში ხვდება. თავად "ნაციონალური მოძრაობა" არ ასახელებს წყაროს, რომელმაც აღნიშნული ვიდეო მიაწოდა და საზოგადოებაში ჩნდება ეჭვი, რომ პარტიის წყარო, ლოგიკურად, შსს-ს თანამშრომელი (პატრული) შეიძლება ყოფილიყო. რაც კიდევ ერთ კითხვას აჩენს, - აქვს კი პატრულს უფლება, რომ საჯაროდ გამოაქვეყნოს მსგავსი ტიპის ვიდეოჩანაწერი? ამასთან, დავინტერესდით, იყო თუ არა აუცილებლობა იმისა, რომ საჯაროდ დასახელებულიყო ფირზე აღბეჭდილი ქალბატონის სახელი, გვარი და კადრების მედიასაშუალებებით გავრცელებისას უნდა მომხდარიყო თუ არა სახის დაფარვა. და რაც მთავარია - რა რეაგირება მოჰყვება ამ ყველაფერს შინაგან საქმეთა სამინისტროს მხრიდან და დადგება თუ არა კანონის დამრღვევის - ეკა ყუშიტაშვილის პასუხისმგებლობის საკითხი, - ამ თემებზე ჩვენ პერსონალურ მონაცემთა დაცვის ინსპექტორს, საქართველოს ჟურნალისტური ეთიკის ქარტიის წარმომადგენელსა და შინაგან საქმეთა სამინისტროს დავუკავშირდით.
თამარ ქალდანი, პერსონალურ მონაცემთა დაცვის ინსპექტორი:
"უკვე დავინტერესდით და შესწავლაც დავიწყეთ, როგორ მოხვდა ეს ჩანაწერი არა მედიაში, არამედ გამავრცელებლის ხელში. არ არის გამორიცხული ამ შემთხვევაში სისხლის სამართლის ნიშნებიც გამოიკვეთოს, თუმცა წინასწარ, საქმის დეტალურად შესწავლის გარეშე ამ საკითხზე საუბარი არასწორია. რაც შეეხება სასჯელს, გააჩნია რა ტიპის დარღვევასთან გვექნება საქმე. შესაძლოა, ადმინისტრაციული სასჯელი დაეკისროს, ხოლო თუ სისხლის სამართლის დარღვევა გამოვლინდება, ეს უკვე ჩვენი კომპეტენცია არ არის, სასჯელის ზომას სასამართლო დაადგენს".
ჟურნალისტური ეთიკის ქარტიის ხელმძღვანელი თამარ რუხაძე მიიჩნევს, რომ მედიის წარმომადგენელთა ნაწილმა პროფესიული ეთიკა მაშინ დაარღვია, როცა ჩანაწერში არსებულ უწმაწურ სიტყვებს ცენზურა არ დაედო და სრული ტექსტი მაყურებელმა პირდაპირ ეთერში მოისმინა:
"ზოგადად, მსგავსი ვიდეოების გავრცელება თავად მედიის გადასაწყვეტია, მით უმეტეს, როცა ამ ჩანაწერის მიმართ მაღალი საზოგადოებრივი ინტერესი არსებობდა. ვერ ვიტყვი, რომ ამ ვიდეოს გავრცელებით კონკრეტული სტანდარტი დაირღვა, თუმცა ისიც ფაქტია, რომ ზოგიერთმა მედიასაშუალებამ ჩანაწერი ყოველგვარი ცენზურის გარეშე გაავრცელა და ეს ნამდვილად არასწორად მიმაჩნია", - ამბობს რუხაძე.
რაც შეეხება შინაგან საქმეთა სამინისტროს პოზიციას, როგორც უწყების საზოგადოებასთან ურთიერთობის დეპარტამენტში აცხადებენ, ოფიციალურ განცხადებას რამდენიმე წუთში გაავრცელებენ.
შეგახსენებთ, რომ ვიდეოჩანაწერი გუშინ "ნაციონალური მოძრაობის" ერთ-ერთმა ლიდერმა, ზურაბ ჯაფარიძემ გაავრცელა. დღეს კი "ნაციონალებმა" კიდევ ერთი ვიდეო გამოაქვეყნეს, რომელშიც შეიარაღებული მთვრალი პოლკოვნიკი და პატრულის თანამშრომელია ასახული [მეტი].
რუსუდან შელია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა გზავნილები აქვთ ევროპარლამენტარებს და როგორია გამოხმაურებები საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
