30
მაისიდღის ზოგადი ასტროლოგიური პროგნოზი
მედროვეები, თეთრები და ფუმფულები, კალკულატორები - რატომ არიან ისინი სახიფათო თანამშრომლები და როგორ ამოვიცნოთ?
მედროვეები
ეს თანამშრომლები დროებით მოდიან, უკეთესი ადგილის მოლოდინში. მათი მიზანია, მიიღონ უფრო მეტი თქვენი კომპანიისგან: ახალი სტროფი რეზიუმეში, ფული, ნაცნობები, ინფორმაცია.
როგორ ამოვიცნოთ - ბევრი სამუშაო ადგილი CV-ში. კანდიდატი ინტერესდება არა სამუშაოს აღწერილობით, არამედ მისი გარეგანი ატრიბუტებით.
რომელ პოზიციებზე არიან ეს ადამიანები სახიფათონი: გამყიდველები, კომპანიის სტრატეგიული მიმართულების ხელმძღვანელები.
თეთრები და ფუმფულები
ასეთი თანამშრომლები რთული გადაწყვეტილებების მიღებას სხვებს აკისრებენ. არ ეკამათებიან პირველ პირებს, ერიდებიან დაპირისპირებებს. წარმატებებს საკუთარ თავს მიაწერენ, ხოლო წარუმატებლობას სხვებს.
როგორ ამოვიცნოთ - დააკვირდით, როგორ საუბრობს კანდიდატი სამსახურიდან წამოსვლის მიზეზებზე. შეცდომების გაანალიზებას ახდენს, თუ ცდილობს სხვებს დააბრალოს.
რომელ პოზიციებზე არიან ეს ადამიანები სახიფათონი: გენერალური დირექტორის პირველი მოადგილე, განვითარების დირექტორი.
კალკულატორები
ასეთი თანამშრომლების დევიზია - "როგორც მიხდიან, ისე ვმუშაობ". ხშირად მიიჩნევენ, რომ არ არიან საკმარისად დაფასებულები. სამართლიანობის "მიღწევას" შრომითი აქტივობის შემცირებით ცდილობენ.
როგორ ამოვიცნოთ - ასრულებენ მხოლოდ კონკრეტულ დავალებას, ყველა საკითხზე აწუხებენ უფროსობას.
რომელ პოზიციებზე არიან ეს ადამიანები სახიფათონი: აღმასრულებლის.
მომაკვდავი გედი
მუდამ უსიცოცხლო, ზარმაცი და პესიმისტურად განწყობილი ადამიანები. რამდენიმე ასეთ ადამიანს შეუძლია მთელი ჯგუფის სამუშაო განწყობის განადგურება. მათთან ურთიერთობით მალევე იღლებით. მუშაობის ნაცვლად ისინი ხშირად საუბრობენ შემცირებებზე, ეკონომიკურ კრიზისზე და სხვა უარყოფით მოვლენებზე.
რომელ პოზიციებზე არიან ეს ადამიანები სახიფათონი: ნებისმიერზე, განსაკუთრებით თუ ჯგუფში უწევთ მუშაობა.
ვამპირები
სიამოვნებას იღებენ, როდესაც გარშემომყოფები ემოციებს ავლენენ, ხშირად იწვევენ აგრესიის პროვოცირებას. ცდილობენ სხვების მოთმინებიდან გამოყვანას.
როგორ ამოვიცნოთ - გამოსაცდელი ვადის პერიოდში სამსახურებრივ კონფლიქტებში ჩაერთვებიან.
რომელ პოზიციაზე არიან განსაკუთრებით სახიფათონი: კლიენტების მომსახურება, დახურულ სამუშაო ჯგუფებში.
მსხვერპლი
მუდამ წუწუნებენ საკუთარ მდგომარეობაზე. პერმანენტულ შეცდომებს ამართლებენ იმით, რომ არ დაეხმარენ, ავად იყვნენ ან უბრალოდ, ბუნებრივმა კატაკლიზმებმა შეუშალეს ხელი.
როგორ ამოვიცნოთ - ვერ მიჰყვებიან გეგმას და არ ეტევიან ვადებში.
რომელ პოზიციაზეა განსაკუთრებით სახიფათო: აღმასრულებლის თანამდებობა
