ძალიან სახალისო ლექსი ძალიან "გაფარჩაკებულ" ლარზე - ანუ, როგორც გიჭირდეს, ისე გილხინდეს

"მაშინ როდესაც გავჩნდი

გარეთ ყოფილა დარი,

მამას კუპონი ერქვა

მე კი დამარქვეს ლარი.

მინდოდა, ჩემს ქვეყანაში

მარტოს მემღერა სოლო,

ალბათ პატრონი არ მყავს,

რადგან მომეღო ბოლო.

მივიწევ ქვევით-ქვევით

ვნატრობ ბავშვობას, წარსულს,

მე ვემსგავსები მამას -

კუპონს უდროოდ წასულს.

ჯიბე-ჯიბობდა, ერთ დროს,

თუ ჩემით იყო სავსე,

გამაგებინე, ნოდარ

რატომ გამწირე ასე?!

რად დამაყენე ეს დღე?!

რატომ დავეშვი ყირა?!

რომ აღარ ფიქრობთ ჩემზე

მანეთი ვარ, თუ ლირა?

სიკვდილ-სიცოცხლის მიჯნას

მივუკაკუნე ნელა,

დოლარი როგორ ბრწყინავს,

ჩემთან კი როგორ ბნელა.

ვინც ვერ მოაბით თავი

ჩემს დახმარებას, შველას,

ფრთხილად იყავით აწი

გადაგიყოლებთ ყველას".

ლადო გოგოლაძე

AMBEBI.GE

ასევე დაგაინტერესებთ| გაუფასურებული ლარის მონოლოგი: "შიშით ვუყურებ ხვალინდელ დღეს..."