ანგელა მერკელი - ევროკავშირსა და ევრაზიულ კავშირს შორის მოლაპარაკებები სავსებით შესაძლებელია
გერმანიის მთავრობასა და ევროკავშირს შეუძლიათ, რუსეთს შესთავაზონ თავისუფალი ვაჭრობის ფართო ზონა იმ შემთხვევაში, თუკი უკრაინაში კონფლიქტი დასრულდება. "უნიანის" ინფორმაციით, ამის შესახებ გერმანიის კანცლერმა ანგელა მერკელმა ფლორენციაში განაცხადა. მისი თქმით, ევროკავშირსა და ევრაზიულ კავშირს შორის მოლაპარაკებები სავსებით შესაძლებელია. მანამდე კანცლერმა აღნიშნული წინადადება დავოსის ეკონომიკურ ფორუმზე გააჟღერა და ამ თავისუფალი ვაჭრობის ზონის "ლისაბონიდან ვლადივოსტოკამდე" ფორმულაზე ისაუბრა. მერკელმა ასევე აღნიშნა, რომ ეს იდეა თავად ვლადიმერ პუტინს ეკუთვნის. კანცლერის თქმით, ამ შემთხვევაში, შესაძლოა, სადავო საკითხებიც გადაწყდეს, რომლებიც უკრაინასა და ევროკავშირს შორის ასოციაციის გამო წარმოიშვა. თუმცა, მისი თქმით, ამას წინ უნდა უძღოდეს უკრაინაში მშვიდობის დამყარება.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
