მნიშვნელოვანი ინფორმაცია
12
ივნისიდღის ზოგადი ასტროლოგიური პროგნოზი
ხუთშაბათი, მთვარის მეჩვიდმეტე დღე დაიწყება 23:57-ზე, მთვარე თხის რქაში გადავა 05:54 –
კარგად შეძლებთ მნიშვნელოვანი ამოცანების დაგეგმვასა. იმ სამუშაოს შესრულებას, რომელიც მოითხოვს სიზუსტეს, მათემატიკურ გამოთვლებს და ინსტრუქციების მკაფიო დაცვას. ადამიანი ავლენს პასუხისმგებლობას, პრაქტიკულობას და მოვალეობის გრძნობას. რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. აქტიური ორგანოებია: მუხლები, ძვლები, სახსრები, კანი, სისხლის მიმოქცევის სისტემა. დაიცავით უმარილო დიეტა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"იყო არაორდინალური სიტუაცია, რომლის გამოსასწორებლად მოვიფიქრე შემდეგი გეგმა..." - რას ყვება ჟვანიას ყოფილი დაცვის უფროსი სასამართლო პროცესზე
07:26 / 23-01-2015
ზურაბ ჟვანიამ ტუჩთან დაზიანება მაშინ მიიღო, როდესაც ხელოვნურ სუნთქვას ვუტარებდი, - ამის შესახებ გამართულ სასამართლო პროცესზე საქართველოს ყოფილ პრემიერ-მინისტრ ზურაბ ჟვანიას ყოფილმა დაცვის უფროსმა, კობა ხარშილაძემ განაცხადა.
ხარშილაძე დღეს დაიკითხა იმ ეპიზოდზე, რომელშიც ექსპერტი ლევან ჩაჩუაა ბრალდებული. როგორც ხარშილაძემ განაცხადა, როდესაც იმ ბინაში შევიდა, სადაც ზურაბ ჟვანია გარდაიცვალა, ყოფილ პრემიერ-მინისტრს არანაირი დაზიანება არ ჰქონია.
"შიგნით შევედი ფანჯრის გისოსების გამოგლეჯვის შემდეგ, რადგან კარები იყო ურდულით ჩაკეტილი და გასაღებით მას ვერ გავაღებდი. როდესაც შიგნით შევედი, ზურაბ ჟვანია უგონო მდგომარეობაში იჯდა სავარძელში. არც შეხებაზე და არც ყვირილზე რეაგირება არ ჰქონია და არანაირ სიცოცხლის ნიშანწყალი არ ეტყობოდა, არც პულსი არ ესინჯებოდა. ამის შემდეგ გადმოვაწვინე იატაკზე და გადავწყვიტე, ჩამეტარებინა ხელოვნური სუნთქვა. ხელოვნურმა სუნთქვამ შედეგი არ გამოიღო და მივხვდი, რომ გარდაცვლილი იყო, რის შესახებაც ვუთხარი მიხეილ ძაძამიასაც. პრემიერი გარეგნულად დავათვალიერე და მას არანაირი დაზიანება არ ჰქონდა. ასევე არ ჰქონდა დაზიანება უსუპოვსაც. ტუჩთან დაზიანება ზურაბ ჟვანიამ მას შემდეგ მიიღო, რაც ხელოვნურ სუნთქვას ვუტარებდი. მას ასევე არანაირი სისხლის ლაქა არ ჰქონდა", - განაცხადა კობა ხარშილაძემ.
მისივე თქმით, ბინაში, სადაც ჟვანია და უსუპოვი გარდაიცვალნენ, საკმაოდ არაორდინალური სიტუაცია იყო და ამ სიტუაციის გამოსასწორებლად გადაწყვიტა, უსუპოვი შემთხვევის ადგილიდან მოეშორებინა.
"უსუპოვი პრემიერისგან მოშორებით ეგდო, იყო არაორდინალური სიტუაცია და ამ სიტუაციის გამოსასწორებლად, მვიფიქრე შემდეგი გეგმა. რაულ უსუპოვის ცხედარი მე და მიხეილ ძაძამიამ გავიტანეთ ბინიდან და ჩავდეთ მანქანაში. როდესაც მანქანაში ჩავსხედით, შემდეგ მივხდი, რომ ეს იყო აბსურდული გეგმა და ცხედარი ისევ უკან შევიტანეთ. დავაწვინეთ იმავე ადგილზე და იმავე მდგომარეობაში როგორც იყო. ფეხსაცმელი, სავარაუდოდ, ამ გატანის დროს გაძვრა და ასევე შარვალიც, სავარაუდოდ ამ დროს დაესვარა", - განაცხადა ხარშილაძემ.
მისივე თქმიოთ, ამ ყველაფრის შემდეგ მან მიიღო გადაწყვეტილება და პირველი ნაბიჯი რაც განახორციელა, იყო გიორგი ბარამიძესთან დარეკვა და ამბის შეტყობინება. შემდეგ კი დაურეკა პრეზიდენტს და შემთხვევის ადგილზე მივიდნენ სამართალდამცველი ორგანოები. ხარშილაძემ ასევე გაიხსენა, თუ თავად როგორ შეიტყო ეს ამბავი და როგორ მივიდა შემთხვევის ადგილზე.
"მე ვიყავი სახლში. დამირეკა მიხეილ ძაძამიამ და მითხრა, რომ ზურა იყო უგონო მდგომარეობაში. გავემართე შემთხვევის ადგილზე, თუმცა გზაზე მანქანა გამიფუჭდა. ამის შემდეგ ბინიდან მოშორებით მომაკითხა ძაძამიამ და შემთხვევის ადგილზე მიმიყვანა. როდესაც მივედი, ფანჯრიდან დავინახე, რომ ბატონი პრემიერი უგონოდ გამოიყურებოდა. ვერ გავაღეთ კარი, შემდეგ ავძვერი გისოსებზე და ძაძამიას დახმარებით მოვაგლიჯე ეს გისოსები და შევედი ბინაში", - აღნიშნა ხარშილაძემ.
დღევანდელ პროცესზე დაიკითხა ზურაბ ჟვანიას დაცვის კიდევ ორი წევრი, დავით დაღელაშვილი და ალექსანდრე გოგოხია. აღნიშნული მოწმეები დაცვის მხარემ წარმოადგინა. შემდეგი სასამართლო პროცესი 2 თებერვალს, 17:00 საათზე გაიმართება, სადაც მიხეილ ძაძამიას და დაცვის სხვა წევრებს დაკითხავენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
