კრიშტიანუ რონალდუ ირინა შეიკს დაშორდა და შემცვლელიც მოუძებნა

რამდენიმე დღის წინ ცნობილი გახდა მადრიდის რეალის ფორვარდის, კრიშტიანუ რონალდუსა და რუსი მოდელის, ირინა შეიკის დაშორების შესახებ. ესპანური გადაცემის La manana de La 1-ს მიხედვით, ფეხბურთელს უკვე აქვს სასიყვარულო ურთიერთობა 26 წლის ტელეწამყვან ლუსია ვილიალონთან. ცნობილია, რომ რონალდუ და ვილიალონი ერთმანეთს ციურიხში, ფიფას დაჯილდოების დროს შეხვდნენ, როდესაც კრიშტიანუმ ყველაზე პრესტიჟული ოქროს ბურთის პრიზი მოიპოვა. გაღიმებული ფეხბურთელისა და ტელეწამყვანის ერთობლივი ფოტოსურათი გოგონას "ინსტაგრამის" გვერდზე გამოჩნდა.

ჭორების მიხედვით, შეიკისა და რონალდუს დაშორების ინიციატორი თვითონ ფეხბურთელია, რომელიც ირინას ქცევამ გააღიზიანა - შეიკი კრიშტიანუს დედის 60 წლის იუბილეს არ დაესწრო.