23
ივნისიდღის ზოგადი ასტროლოგიური პროგნოზი
მანჩესტერში 2018 წლისთვის ლგბტ ბავშვებისთვის პირველი სპეციალიზებული სკოლის გახსნა იგეგმება. ამ სასწავლო დაწესებულების გახსნის ინიციატივა ორგანიზაცია LGBT Youth North Wes-ს ეკუთვნის, რომელიც სექსუალური უმცირესობების დასაცავად მთელ მსოფლიოში საქმიანობს.
სკოლა სპეციალიზებული სკოლების სახელმწიფო პროგრამის ფარგლებში გაიხსნება, მის ნაწილობრივ დაფინანსებას - 24 000 დოლარს წელიწადში ზემოხსენებული ორგანიზაცია გაიღებს. პროექტისთვის LGBT Youth North Wes-მა სახელმწიფოსგან უკვე მიიღო 63 000 ფუნტი (96 000 დოლარი).
სკოლა 60 ბავშვზეა გათვლილი. დონორი ორგანიზაციის პრეს-რელიზში აღნიშნულია, რომ დაწესებულება მიღებისას იმ ბავშვებს მიანიჭებს უპირატესობას, რომლებიც უკვე ლგბტ საზოგადოების წევრები არიან. თუმცა ადგილი ტრადიციული ორიენტაციის მქონე მოსწავლეებისთვისაც დარჩება.
LGBT Youth North West-ის სტრატეგიული განვითარების ხელმძღვანელის, ამელია ლის განცხადებით, ასეთი დაწესებულებების გახსნის საჭიროება ნამდვილად არსებობს. მისივე თქმით, მიუხედავად კანონმდებლობისა, რომელიც უმცირესობებს იცავს, სკოლებში არატრადიციული ორიენტაციის მქონე მოსწავლეები მაინც შიშისა და ზექოლის ქვეშ არიან.
