რეჯეფ ტაიპ ერდოღანი "შარლი ჰებდოს" ზიზღისა და რასიზმის გაღვივებაში ადანაშაულებს
თურქეთის პრეზიდენტი რეჯეფ ტაიპ ერდოღანი სატირულ ფრანგულ ჟურნალს, "შარლი ჰებდოს" აკრიტიკებს და გამოცემას ზიზღისა და რასიზმის გაღვივებაში ადანაშაულებს."ეს ჟურნალი ცნობილია თავისი პროვოკაციული მასალებით მუსლიმებსა და ქრისტიანებზე. რასაც ისინი აკეთებენ - ეს არის რასიზმისა და ზიზღის გაღვივება. ეს არ არის თავისუფლება. ეს ნიშნავს ტერორსა და სხვა ადამიანების პირად სივრცეში შეჭრას. უნდა გავაცნობიეროთ, რომ არ არსებობს უსაზღვრო თავისუფლება", - განაცხადა დღეს ერდოღანმა.
მისივე თქმით, ასეთი პროვოკაციები კანონით უნდა დაისაჯოს. პრეზიდენტის აზრით, მუსლიმებს უფლება აქვთ მოითხოვონ ისეთივე პატივისცემა წინასწარმეტყველ მუჰამედისადმი, როგორც თავად სცემენ პატივს იუდაისტურ და ქრისტიან წინასწარმეტყველებს. "მათ შეუძლიათ იყვნენ ათეისტები, მაგრამ ამავდროულად, პატივი უნდა სცენ იმას, რაც ჩვენთვის წმინდაა", - განაცხადა ერდოღანმა.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
