30
მარტიდღის ზოგადი ასტროლოგიური პროგნოზი
ცოტა ხნის წინ ერთ-ერთ ინტერნეტ საიტზე გამოჩნდა განცხადება, რომლის მიხედვით, 32 000 დოლარად ექს-პრეზიდენტ ზვიად გამსახურდიას ნაქონი მერსედესი იყიდება. ჩვენ დავუკავშირდით განცხადების ავტორს (რომელმაც გვარის გამხელა არ ისურვა) და კომენტარი ვთხოვეთ:
სოსო:
- მას შემდეგ, რაც ეს განცხადება განთავსდა, 1 000-ზე მეტმა ადამიანმა დამირეკა. ეს მანქანა ჩემი მეგობრის საკუთრებაა. ის დიდი ხანია საქართველოში არ ცხოვრობს და მთხოვა, რომ გამეყიდა და მაგიტომ არის მითითებული ჩემი ნომერი, თორემ მანქანა ჩემს საკუთრებას არ წარმოადგენს.
- ბევრია ყიდვის მსურველი?
- კი. ძალიან ბევრმა ადამიანმა გამოთქვა ყიდვის სურვილი. ზოგს პირადი მოხმარებისთვისა უნდა, ზოგმაც დამირეკა, რომ მუზეუმს აკეთებს და იმისთვის უნდა ეს მანქანა. ჯერჯერობით რეალური მყიდველი არ გამოჩენილა.
- რის გამოა ამხელა ინეტერესი, მანქანაა კარგ მდგომარეობაში, თუ იმის გამო, რომ ამ მანქანით, თქვენი თქმით, ექს-პრეზიდენტი სარგებლობდა?
- ალბათ უფრო მანქანის მდგომარეობის გამო, რადგან 1985 წელს გამოშვებული მანქანაა და არის იდეალურ მდგომარეობაში. ისე, რაც უფრო მეტი დრო გავა, ამ მანქანის ფასი კიდევ უფრო მოიმატებს.
- ექს-პრეზიდენტის ოჯახიდან ხომ არ დაგკავშირებიან?
- არა, არავის დაურეკავს.
- თქვენ მეგობართან როგორ მოხვდა ეს მანქანა?
- ჩემმა მეგობარმა ვიღაცისაგან იყიდა, რომელსაც თავის მხრივ სხვისგან აქვს ნაყიდი, ხოლო იმასთან როგორ მოხვდა, ნამდვილად არ ვიცი.
- თქვენი მეგობარი თუ იყენებდა ამ მანქანას გადასაადგილებლად?
- ძალიან იშვიათად. ეს მანქანა დიდი ხანია გაჩერებულია და მეც არ ვიყენებ სასიარულოდ. ვინც იყიდის, ვერ გეტყვით, სასიარულოდ გამოიყენებს, თუ რელიქვიად შეინახავს. ვის რა უდევს თავში, ძნელია ამის თქმა.
- რაიმე განსაკუთრებული შტრიხი თუ აქვს ამ მანქანას?
- კი, ძალიან ბევრი გასნაკუთრებული ნიშან-თვისება აქვს მანქანას, რომელიც ამ დროს გამოსულ მანქანებს არ აქვთ. მაგ: მანქანას აქვს ჯავშანი, რაც შესაბამისად ზრდის ფასს.
შეგახსენებთ, რომ ინტერნეტში გავრცელებულ განცხადებას ზვიად გამსახურდიას შვილი, კონსტანტინე გამსახურდია გამოეხმაურა, რომელმაც უარყო, რომ ინტერნეტში გასაყიდად გამოტანილი "მერსედესის" მარკის ავტომობილი პრეზიდენტ გამსახურდიას ეკუთვნოდა [მეტი].
ლადო გოგოლაძე
AMBEBI.GE
