თბილისში, სახვითი ხელოვნების მუზეუმის მშენებარე შენობის წინ მიმაგრებულ ხარაჩოზე "თავისუფალი ზონის" წევრებმა ორი ბანერი "მომავალ წელს სოხუმში" და ამჟამად პატიმრობაში მყოფი თავდაცვის ყოფილი მინისტრის ბაჩო ახალაიას წიგნის სათაური "სოხუმი - ჩემი იერუსალიმი" გამოაკრეს.
ბანერის გამოკვრის გამო სახვითი ხელოვნების მუზეუმთან საპატრულო პოლიციეს თანამშრომლები იმყოფებოდნენ, თუმცა მათ ამ დროისთვის ტერიტორია უკვე დატოვეს.
როგორც ადვოკატმა გოგა ონიანმა განაცხადა, ბანერის გამოკვრა იმ შემთხვევაში, თუ ის ქალაქის იერსახეს არ ამახინჯებს, დანაშაული არ არის. მისსივე თქმით, გაუგებარია, თუ რატომ იყო პოლიცია დღეს მობილიზებული.
სახვითი ხელოვნების მუზეუმის მშენებარე შენობის ხარაჩოზე ამ დროისთვის "თავისუფალი ზონის" სამი წევრი იმყოფება. ისინი სანტა კლაუსის ფორმებში არიან გამოწყობილი და წიგნს კითხულობენ.
