23
მაისიდღის ზოგადი ასტროლოგიური პროგნოზი
მომღერალი სალომე ბაკურაძე და პროდიუსერი ლაშა ბასლანძე გასულ წელს დაქორწინდნენ. ორივე ძალიან დაკავებულია, განსაკუთრებით მას შემდეგ, რაც პროექტი "ერთი-ერთში" დაიწყო. სალომე ხშირად ხდება ლიდერი და ზოგიერთ მაყურებელს გაუჩნდა ეჭვი, ხომ არ არის ეს იმის დამსახურება, რომ ლაშა "ჯიდიესზე" მუშაობს. წყვილს ინტერვიუსთვის შევხვდით.
- ძალიან რთული პროექტია. თითოეული მონაწილე დიდ შრომას ვდებთ ნომრებში, ამიტომაც გამოდის ასეთი კარგი და ადრენალინიანი შოუ. როგორც დუტა ამბობს, ყოველ გამოსვლაზე ისეთი შეგრძნება მაქვს, თითქოს პრემიერაზე გამოვდივარ.
- ლაშა, ხომ არ ნანობ, რომ სალომე დათანხმდა პროექტში მონაწილეობაზე, ალბათ, ოჯახისთვის ძალიან ცოტა დრო აქვს.
- არ ვნანობ, პირიქით მიხარია. თავიდან ცოტა ვნერვიულობდი, ვიცი, როგორი პროექტიცაა. წინა სეზონებში ჩემი მეგობრები მონაწილეობდნენ და თავს იკლავდნენ, იმდენს შრომობდნენ. ახლა სალო სულ გამოუძინებელი და დაღლილია, მაგრამ მუღამში შევედით.
- სალომე ხშირად ხდება ტურის ლიდერი. ელოდით ასეთ შედეგს?
სალომე:
- საქართველოში გულშემატკივრობას ესემესში არ გამოხატავენ ხოლმე. მიხარია, რომ მესიჯებითაც მიდგანან გვერდით და ეს ყველა ტურს ეტყობა, აშკარაა, რომ მარტო ჩემიანები და ჩემი ოჯახის წევრები არ მიმესიჯებენ.
ლაშა:
- ვცდილობ, ყველანაირად დავეხმარო. ოთხშაბათობით ვიდეორგოლს ვტვირთავ "ფეისბუქზე", რომელიც ერთგვარი რეკლამაა, რომ სალომეს დაუმესიჯონ. სხვადასხვა ორგანიზაციიდან გვირეკავენ და დახმარებას გვთავაზობენ.
სალომე:
- ასეთ აქტიურობას ნამდვილად არ ველოდი. მთავარი ხალხის სიყვარულია და კიდევ ის, რომ საკუთარი გასაკეთებელი ბოლომდე გააკეთო. თუ ამას ემატება ისიც, რომ შენი ნამღერის სიძლიერე სხვამაც დაინახა და ადეკვატურად შეაფასა, ამას არაფერი სჯობს.
- თუმცა სოციალურ ქსელში არის ხოლმე კრიტიკული შეფასებებიც.
- მსგავს კომენტარებს არასდროს ვეცნობი. მეც ვყოფილვარ სხვისი გულშემატკივარი, მაგრამ ამას ესემესითა და სხვაგვარი რეკლამის გაკეთებით გამოვხატავდი და არა იმით, რომ ვისაც ვგულშემატკივრობ, იმის კონკურენტი ან დავჩაგრო, ან გავლანძღო.
- სოციალურ ქსელში წერდნენ, ესემესლიდერი იმიტომ ხდება, რომ ლაშა "ჯიდიესში" მუშაობსო.
ლაშა:
- სალომეს ჩემი ასეთი დახმარება არ სჭირდება და არც მე ვიკადრებ მსგავს რამეს.
სალომე:
- ამაზე ლაპარაკიც კი ჩემი მხრიდან აბსურდულია. მე არ მიმაჩნია, რომ შოუში ვინმე ვინმეზე ნაკლებია. დიდი კონკურენციაა, ბრძოლა თანაბარია და ლაშა რომ ამ ტელეკომპანიაში მუშაობს, ამით ორივეს კომპლექსი გვაქვს. ლაშიკო თავიდან ამბობდა, ლაივებზე საერთოდ არ მოვალ, თავი დამანებეო.
- ახლა დადის?
- მე დარბაზში ვერ ვხედავ ხოლმე, მაგრამ მეუბნებიან, შენ რომ გამოდიხარ, გათეთრებული დგას ბოლოში, ისე გისმენს და თან, თავს მაღლა არ სწევსო.
ლაშა:
- ლაივიდან რომ მოვდივარ, წნევა მაქვს.
