21
ივნისიდღის ზოგადი ასტროლოგიური პროგნოზი
ზღვის მიმდებარე ტერიტორიაზე გამალებული მშენებლობა მიმდინარეობს. შენდება საცხოვრებელი კორპუსები, მიუხედავად არაერთგზის გავრცელებული განცხადებისა, რომ აქ ოლიმპიური სოფელი შენდება, ხალხში მაინც მუსირებს აზრი, რომ იქ ჩინური დასახლება უნდა აშენედეს. რამდენად სწორი იქნება საქართველოში ჩინური დასახლების აშენება, ამაზე საკუთარ მოსაზრებას აკადემიკოსი, "სახალხო კრების" წარმომადგენელი ელიზბარ ჯაველიძე გამოთქვამს:
- რამდენადაც ვიცი, თემა, რომ იქ ჩინელები უნდა დასახლდნენ, კარგა ხანია მუსირებს და საბოლოო გადაწყვეტილება ჯერ არ არის მიღებული. ჩემი აზრით, ცაკლე ჩინური დასახლება, ანუ ცალკე ჩინური სოფელი არ იქნება სწორი, განა აკლია საქართველოს ჩინელები?! აგერ ცალკე დასახლებული სომხები და აზრებაიჯანელები, ახლა ჩინელებიც გამოჩნდებიან და დამთავრებულია ყველაფერი. აღსრულდება ის პოლიტიკა, რომელიც საზღვარგარეთ არის დაგეგმილი მასონური წრეების მიერ, ეს პოლიტიკა კი მიზნად ისახავს საქართველოს საბოლოო განადგურებას.
- ანუ მასონები სხედან და საქართველოს განადგურებაზე ფიქრობენ? მეტი საქმე არ აქვთ?
- ეგ მაგათი უმთავრესი მიზანია. ზოგადად, თანამედროვე გლობალური პოლიტიკის მიზანია ერთპოლუსიანი სახელმწიფოს შექმნა, რომლის სათავეშიც უნდა იყოს აშშ და ამ გზაზე მთავარ პრობლემას ეროვნული სახელმწიფოები წარმოადგენენ და მათი მოშორება უნდათ. ესაა და ეს. ეს არის აღიარებული ჭეშმარიტება, მაგრამ რატომღაც ამის შესახებ არავინ ლაპარაკობს.
- ბატონო ელიზბარ, როგორ ფიქრობთ, თუ მართლა მოხდა ჩინელთა დასახლება, ეს ამჟამინდელი ხელისუფლების ბრალი იქნება, თუ წინა ხელისუფლების?
- წინა ხელისუფლებამ აშენების უფლება მისცა, ხოლო ახალმა დასრულების, ანუ ორივე დამნაშავე გამოდის, მაგრამ არა მგონია, არსებული ხელისუფლება ამის მომხრე იყოს, ყოველ შემთხვევაში, ამის იმედი მაქვს.
- ბატონო ელიზბარ, მიიჩნევა, რომ ჩინელები ძალიან მშრომელი ხალხი არიან, ააყავავეს ჩინეთის ეკონომიკა და რატომ არის მათი აქ ჩამოსვლა საფრთხის შემცველი?
- ჩინური კულტურა თუ მათი ფილოსოფიური აზროვნება აუცილებლად დასაფასებელია. დღევანდელი ჩინეთი არის ერთ-ერთი უძლიერესი სახელმწიფო და თუ პირველ სახელმწიფოთა შორის არის რუსეთი და აშშ, ჩინეთიც მათ გვერდითაა. შეიძლება ითქვს, დღეს, ჩინეთის ეკონომიკა აყვავებულია. ჩინეთის მოსახლეობა უმუშევრობას არ განიცდის, იქ ეს პრობლემა არ დგას.
- მით უფრო გასაოცარია, მაშინ რატომ მოუნდებათ აქ ჩამოსვლა, სადაც უმუშევრობა უმთავრესი პრობლემაა...
- ჰოდა, ამიტომაც არ მიმაჩნია მართებულ აზრად, რომ ჩინელები აქ საკუთარ სოფელს ააშენებენ. ჩვენთან რამდენი თვალებმოჭუტულ ადამიანს დაინახავენ, ყველა ჩინელი ჰგონიათ, არადა მათი უმეტესობა ვიეტნამელია, არიან კორეელებიც და სხვა, რომლებიც ეძებენ სამსახურს. თუ ჩინელებმა მაინც დააფუძნეს საკუთარი დასახლება, ეს უკვე ნიშნავს, რომ ჩინეთსაც უჩნდება იმპერიული ზრახვები საქართველოსთან მიმართებაში. სხვა ახსნა ამას არ მოეძებნება.
ლადო გოგოლაძე
AMBEBI.GE
