მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სულ მარტო ვარ, ისე, როგორც არასდროს..." - ამალიას ახალ წელს დავალიანების გამო ინტერნეტი ჩაუჭრეს
08:30 / 07-01-2015
"ნიჭიერის" ფინალისტი, სკანდალური ამალია ჯიბლაძე, კონკიას ისტორიითა და რთული პირადი ცხოვრებით, ამ სეზონზე პროექტის ყველაზე ხმაურიანი მონაწილე აღმოჩნდა. მის შესახებ ბევრი ითქვა, მისი რეალური ცხოვრების შესახებ ბევრნაირმა ვერსიამ გაიჟღერა. თუმცა, ერთზე ყველა თანხმდება - ამალია უდაოდ ნიჭიერი შემსრულებელია. ჩვენ ამალია ჯიბლაძეს დავუკავშირდით. მას პროექტის ფინალში საკმაოდ სერიოზული კონკურენციის პირობებში მოუწევს თავის გატანა.
- ფინალში ესპანურ სიმღერას შევასრულებ. ძალიან მინდოდა ჯაზი, მაგრამ ამაზე შევჩერდით. სიახლეა ჩემთვის, არასდროს მიმღერია ესპანურად.
- საკმაოდ ძლიერი კონკურენტები გყავთ, განსაკუთრებით ვოკალისტები. რა მოლოდინები გაქვთ?
- გულწრფელად რომ ვთქვა, არ მჯერა, რომ გამარჯვების რაიმე შანსი მაქვს. ამის ბევრი მიზეზი არსებობს: ჩემი კონკურენტები პროფესიონალი შემსრულებლები არიან, ზოგს კონსერვატორია და მუსიკალური სასწავლებელი მაინც აქვს დასრულებული. აქვთ სცენის გამოცდილებაც. გარდა ამისა, მე მარტოხელა ვარ, არ მყავს ბევრი ნაცნობი, არც მეგობრები. ხალხი კი არ ვიცი, რამდენად დამიჭერს მხარს. რაც მთავარია, არ მჯერა გამარჯვების იმიტომ, რომ ბედი არასდროს მწყალობს. ცხოვრებამ იმდენჯერ მიმტყუნა, არც "ნიჭიერის" ფინალი იქნება გამონაკლისი ალბათ...
- თქვენი უფროსი ქალიშვილი რუსეთში ცხოვრობს. ხომ არ აპირებს ფინალისთვის ჩამოვიდეს და აქ გიგულშემატკივროთ?
- სამწუხაროდ, ვერ ჩამოვა, გზები გადაკეტილია. თვითმფრინავისთვის კი თანხები არ ექნება. სკაიპით მაინც ვკონტაქტობდით, ახლა ამასაც ვეღარ ვახერხებ. საახალწლოდ ინტერნეტი ჩამიჭრეს გადაუხდელობის გამო. ახლა მგონია, რომ სულ მარტო ვარ. ისე, როგორც არასდროს...
სალომე ახალაია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
