მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"აბა ჰე და აბა ჰო" - კორკოტა პარლამენტში შესვლისთვის ემზადება: "არ მაინტერესებს ვინმე თუ იფიქრებს, რუსეთუმეაო"
02:49 / 06-01-2015
ცნობილი გახდა, რომ გია კორკოტაშვილი თანამოაზრეებთან ერთად ახალ ორგანიზაციას აყალიბებს და გავრცელებული ინფორმაციით, მათი სლოგანია - "აბა ჰე და აბა ჰო". ორგანიზაციის პრეზენტაცია 10 იანვარს უნდა შედგეს. გავრცელებული ინფორმაციის თანახმად, ორგანიზაციაში უკმაყოფილო მოქალაქეები და საზოგადოებისთვის ცნობილი ადამიანები არიან გაწევრიანებული. დეტალების გასარკვევად Ambebi.ge გია კორკოტაშვილს დაუკავშირდა.
- შეკრების კონკრეტული თარიღი არ დამისახელებია, არც სახელი ვიცით ჯერ. რამდენიმე საზოგადოება გაერთიანდება, რომელიც შეახსენებს მთავრობას, რომ ცოცხლები ვართ და ვარსებობთ. საკუთარ პროტესტს გამოხატავს როგორც პარტიული, ასევე ვეტერანი ძალოსნები და ე.წ. ენჯეოები. მათ შორის ჩემი არასამთავრობო ორგანიზაცია, ახალგაზრდების ენჯეო "გაბრაზებული მოქალაქე" და ა.შ. გვინდა დავგეგმოთ სტრატეგია, რომ ავუხსნათ საზოგადოებას, რა არის ჩვენი შეკრების მიზეზი.
- რა არის თქვენი მთავარი მოთხოვნა და გაერთიანების მიზეზი?
- ეს არის ტერიტორიული მთლიანობის აღდგენა. პოლიტიკური ველის "ნაციონალური მოძრაობისგან" გაწმენდა. გვინდა ისეთ ქვეყანაში ცხოვრება, სადაც ადამიანის ნიჭს აფასებენ და დააფასებენ.
- თქვენ ამბობთ, რომ ნიჭიერმა ხალხმა ვერც ბიძინა ივანიშვილის მთავრობისგან იგრძნო დაფასება?
- ბატონმა ბიძინამ დაამტკიცა გუნდი, ოპტიმალური გუნდი შეკრიბა მან, რომელმაც არჩევნებში გაიმარჯვა. როცა შეცდომებით დაიწყო ამ ხალხმა ქვეყნის მართვა, ჩვენ გვერდით დავუდექით და ხმა არ ამოვიღეთ, არ გვინდოდა ხელი შეგვეშალა მათთვის, მაგრამ ვერაფერს გაართვეს თავი. არ აქვთ საკმარისი პროფესიონალიზმი, შიში აქვთ, ოღონდ რისი, არ ვიცი; უინიციატივო ჯგუფია. თავად ბატონმა ბიძინამ თქვა, რომ ბევრმა ვერ ივარგა მის გუნდში და ესენი არიან საკვანძო ადგილებზე. ძალიან გაუჭირდება ასე ბატონ ბიძინას.
- თქვენი აზრით, რატომ არ ხსნიან ასეთ ადამიანებს თანამდებობიდან?
- ჩანაცვლების ალტერნატივა ხო უნდა იყოს? გვინდა მოვამზადოთ მოედანი, ხილული იყოს საზგადოებისთვის, ვინ დადგება წინ. გვინდა, საზოგადოების ღირსეული წევრები - ეკონომისტები, მამულიშვილები წამოვწიოთ წინ. რომ შია ამ ხალხს და ვხედავთ, ისინი თავს ვერ ართმევენ საქმეს, ამიტომ დავიწყეთ მოძრაობა, თორემ დავჯდებოდი სახლში. "ოცნებამ" რა შემადგენლობითაც დაიწყო თამაში, მათგან არავინაა დარჩენილი. კულუარულად ლანძღავენ ერთმანეთს. ვექტორი არ აქვს სახელმწიფოს. კი ვამბობთ, რომ დასავლეთისკენ მივდივართ, მაგრამ რუსეთს, როგორც მეზობელს, ვერსად გადავდგამთ, ჩვენი თავის ტკივილია.
- თქვენი აზრით, როგორ უნდა დარეგულირდეს რუსეთთან ურთიერთობა?
- რუსეთიც ვეშაპია და ამერიკაც. ორივე ცდილობს, ფინია ძაღლივით გვაყეფოს. საქართველოს მთლიანობა ძირითადი პრიორიტეტია, რისთვისაც უნდა ვიბრძოლოთ. ვინც ხელს მოგვიმართავს, ეს იქნება ბანგლადეში, რუსეთი თუ ამერიკა, ყველასთან კარგი დამოკიდებულება უნდა გვქონდეს.
- ანუ მიგაჩნიათ, რომ თუ დავათბობთ რუსეთთან ურთიერთობებს, აღვადგენთ ჩვენს ტერიტორიებს?
- ასე რომ იყოს, კრემლთან დავიწყებდი შიმშილს, ან რამეს. ჩვენ ახლა ყველაფერი უნდა ვცადოთ. რასაც ათი წელი ვაკეთებდით, რუსეთი მტერია, ესა, ისა, ამით ვერაფერი ვერ მოვიგეთ, შევატოკეთ საერთოდ? პირიქით, გადმოწიეს საზღვრები. დავუწექით ამერიკას და რა?! ამერიკას ღია კონფრონტაციაში შესვლა არ უნდა რუსეთთან და ჩვენ გონიერება უნდა მოვიხმაროთ. სულ არ მაინტერესებს ვინმე თუ იფიქრებს, რუსეთუმეაო. ჩვენ თუ სწორად ვიარეთ, ღმერთია მოწყალე.
- გქონიათ მცდელობა, რომ საკუთარი პროტესტი ბიძინა ივანიშვილთან ან ირაკლი ღარბაშვილთან დაგეფიქსირებინათ?
- ირაკლისთან მქონდა საუბარი, დაქოქილიც იყო თემა, მაგრამ იმხელა ომში და დავიდარაბაშია, ვეღარ შევხვდით. ზუსტად ირაკლი უნდა ენდოს საზოგადოებას, რადგან მისთვის კარგია საზოგადოებასთან მეგობრობა.
- თუ ვერ მიაღწიეთ შედეგს, შემდეგი სამოქმედო გეგმა რა იქნება?
- ეს ხალხის წიაღში მოხარშული აზრებია. თუ თავიანთი ხედვებით გააგრძელა მთავრობამ მუშაობა, გავერთიანდებით, ან პარტიას გავაკეთებთ და საპარლამენტო არჩევნებში მივიღებთ მონაწილეობას.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
