იავას ზღვაში AirAsia-ს კუთვნილი თვითმფრინავის საძიებო სამუშაოები განახლდა

იავას ზღვაში მაშველებმა AirAsia-ს კუთვნილი თვითმფრინავის Airbus A320-ის საძიებო სამუშაოები განაახლეს. ამის შესახებ ინფორმაციას "ბიბისი" ავრცელებს. ინდონეზიის სამხედრო-საჰაერო ძალების წარმომადგენლების განცხადებით, მაშველები შავი ყუთების ძებნას გააგრძელებენ. გუშინ მაშველებმა კიდევ ოთხი ცხედარი იპოვეს. საერთო ჯამში, ნაპოვნია თვითმფრინავის გარდაცვლილი მგზავრების 34 ცხედარი. AirAsia-ს კუთვნილი თვითმფრინავი 28 დეკემბერს რადარებიდან გაქრა. თვითმფრინავის ბორტზე 162 მგზავრი იმყოფებოდა.