ზვავში მოყოლილი 3 ახალგაზრდა ნაპოვნია: "ვერტმფრენს არ გამოყვნენ, გარდაცვლილი მეგობრის გვამის პოვნას ელოდებიან"

ზღვის დონიდან 2300 მეტრზე, მდინარე ბახვისწყლის სათავესთან, კურორტ ბახმაროდან 20 კილომეტრში, სოფელ ზოტიყელში სამაშველო ოპერაცია გრძელდება.

ჩოხატაურის მუნიციპალიტეტის გამგებლის, ირაკლი კუჭავას ინფორმაციით, დაკარგული ახალგაზრდების ადგილსამყოფელის დადგენა ვერტმფრენის დახმარებით მოხერხდა.

"სამაშველო ოპერაციაში ვერტმფრენი ცოტა ხნის წინ ჩაერთო. მათი დახმარებით დაკარგული ახალგაზრდების ადგილსამყოფელის დადგენა მოხერხდა. სამივე თავს კარგად გრძნობს, თუმცა, ვერტმფრენს არ გამოყვნენ. სავარაუდოდ, გარდაცვლილი მეგობრის გვამის პოვნას ელოდებიან", - ამბობს

კუჭავა.

დაკარგული 4 ახალგაზრდა ბახმაროს მთების დასალაშქრად ხულოს მუნიციპალიტეტიდან გადავიდა. წუხელ, სამი მათგანი კონტაქტზე გამოვიდა და დახმარება ითხოვა. "გურია ნიუსის" ინფორმაციით, ერთ-ერთი ახალგაზრდა გარდაიცვალა.

იხილეთ ვრცლად

”გურია ნიუსი”