16
ივლისიდღის ზოგადი ასტროლოგიური პროგნოზი
როგორია ხალხის თვალით დანახული 2014 წელი? - რადიო "ჰერეთმა" გასული წელი რიგით ადამიანებს შეაჯამებინა.
"ყველა დამოკიდებული ვართ ბანკზე. ახლა მე თვითონაც 3 000 ლარი გამომაქვს. გლეხმა ვერ ამოისუნთქა. სიმინდის მოსავალი არ მოვიდა და გლეხმა რა უნდა გააკეთოს? სიმინდს მოჰყავს დანარჩენი ჩვენი მოსავალიც - ღორს ზრდის, ქათამს, ცოტა შეღავათია და გავდივართ იოლად. წელს არ იყო მოსავალი" - ამბობს ერთ-ერთი რესპოდენტი, რომელიც წინასაახალწლო დღეებშიც კი ბანკში სესხს აფორმებდა.
სიღნაღში მცხოვრები გურამ ნონიკაშვილის თქმით, ხელისუფლების მთავარი დაპირება, რომ ქვეყანაში პენსიები 220 ლარამდე გაიზრდებოდა, არ შესრულდა:
"რასაც შეჰპირდნენ ხალხს, არაფერი არ გაუკეთებიათ. თვითონ ამდენი პრემიები დაიმატეს, ხალხს - 150 ლარზე 10 ლარი და, ისიც, მომავალ სექტემბრამდე ან იცოცხლებენ, ან არა. ეს ხომ არ არის მართალი?"
არიან ისეთებიც, ვისთვისაც 2014 წელი კარგი იყო:
"ძალიან არ მიჭირს, მაინც კმაყოფილი ვარ ამ მთავრობის".
"მე კმაყოფილი ვარ ყველაფრით. 70 წლის კაცი ვარ და მშვიდობა იყოს, სხვა არაფერი აღარ მინდა".
