25
მაისიდღის ზოგადი ასტროლოგიური პროგნოზი
არის თუ არა პუტინი მტერი, ამ კითხვას აბსურდულს უწოდებს პაატა ზაქარეიშვილი.
სახელმწიფო მინისტრი "რუსთავი 2"-თან საუბრისას აცხადებს, რომ ვლადიმერ პუტინი ადამიანია, სახელმწიფოს მტერი კი შეიძლება იყოს მხოლოდ სახელმწიფო.
"პუტინი მტერი? რას ნიშნავს? პუტინი ადამიანია და როგორ შეიძლება, ადამიანი იყოს სახელმწიფოს მტერი? ადამიანი ვერ იქნება სახელმწიფოს მტერი, გინდა პუტინი იყოს და ვინც გინდა ის იყოს. მტერი შეიძლება იყოს სახელმწიფო. რუსეთმა 2008 წელს საქართველოს წინააღმდეგ განახორციელა აგრესია, ის იყო მტრული განზრახვით. მოახდინა ამ ტერიტორიის ოკუპაცია, "არსებობს კანონი ოკუპაციის შესახებ" და საქართველოს არა აქვს დიპლომატიური ურთიერთობა რუსეთთან ," - აცხადებს პაატა ზაქარეიშვილი.
შეგახსენებთ, რომ დღევანდელ პრესკონფერენციაზე პრემიერ-მინისტრს ჟურნალისტმა დაუსვა კითხვა "არის თუ არა პუტინი საქართველოსა და უკრაინის საერთო მტერი?", რაზეც პრემიერმა პასუხი არ გასცა.
პრემიერის განცხადებით, ეს არის პროვოკაციული კითხვა და პირდაპირი პასუხის ნაცვლად, მან განაცხადა, რომ საქართველოს მთავარი მტერი არის მიხეილ სააკაშვილი. მისივე თქმით, ეს კითხვა არის აბსოლუტურად გაუაზრებელი, ისევე როგორც "ნაციონალური მოძრაობის" და მათი გუნდის ქმედებები.
წყარო: "რუსთავი 2"
