20
ივნისიდღის ზოგადი ასტროლოგიური პროგნოზი
მაუწყებლობის შესახებ კანონში დაგეგმილი ცვლილებების განხილვა პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე დაპირისპირებასა და სიტყვიერ შეურაცხყოფაში გადაიზარდა.
პროექტის გუშინდელ განხილვაში ტელეკომპანიების წარმომადგენლები მონაწილეობდნენ. დებატები მოჰყვა საზოგადოებრივი მაუწყებლისთვის სპონსორობის მიღების უფლების შენარჩუნების საკითხს, რასაც კერძო ტელევიზიები არ ეთანხმებიან.
ამ თემასთან დაკავშირებით ცხარე კამათი "რუსთავი 2"-ის ხელმძღვანელ ნიკა გვარამიასა და დეპუტატ გია ჟორჟოლიანს შორის სიტყვიერ დაპირისპირებასა და შეურაცხყოფაში გადაიზარდა.
აღსანიშნავია, რომ მწვავე დებატები შეურაცხყოფაში მას შემდეგ გადაიზარდა, რაც ნიკა გვარამიამ აღნიშნა, რომ ოპონენტის გვარი არ იცის, რამაც ჟორჟოლიანის გაღიზიანება გამოიწვია და მას უზრდელი უწოდა, რასაც ნიკა გვარამიას საპასუხო რეპლიკა მოჰყვა. "შენ ვინ უნდა გალახო, შე სირო!", - უპასუხა გვარამიამ ჟოჟოლიანს. ამ ფრაზის შემდეგ ვითარება უკიდურესად დაიძაბა და იმისთვის, რომ ფიზიკური დაპირისპირება არ მომხდარიყო, მათი გაშველება გახდა საჭირო. აღსანიშნავია, რომ თავის მხრივ გვარამიას შეურაცხმყოფელი რეპლიკა უპასუხოდ არც ჟორჟოლიანს დაუტოვებია და მოწინააღმდეგეს დედა შეაგინა.
