4
ივნისიდღის ზოგადი ასტროლოგიური პროგნოზი
თბილისის საკრებულოს თანამდებობის პირები და აპარატის თანამშრომლები "ზეგეგმური შრომისთვის" დანამატს მიიღებენ. აღნიშნული გადაწყვეტილება გუშინდელ სხდომაზე თბილისის საკრებულოს ბიუროს წევრთა უმრავლესობამ მიიღო.
საკითხი ბიუროს სხდომაზე საკრებულოს თავმჯდომარემ გიორგი ალიბეგაშვილმა წამოჭრა. საკითხის ინიცირება და სამართლებრივი ფორმულირება კი საკრებულოს იურიდიული კომისიის თავმჯდომარემ თედო კობახიძემ მოახდინა. კერძოდ, უმრავლესობამ საკრებულოს თავმჯომარეს თბილისის საკრებულოს თანამდებობის პირებისა და აპარატის თანამშრომლების ზეგეგმიური შრომის ანაზღაურებისთვის დანამატის დაწესების რეკომენდაციით მიმართა. სხდომაზე სახელფასო დანამატების გაცემის წინააღმდეგ წავიდნენ თბილისის საკრებულოს ფრაქცია "ქართული ოცნება - რესპუბლიკელები", "ნაციონალური მოძრაობის" ფრაქციები და "გაერთიანებული დემოკრატების ფრაქცია".
თბილისის საკრებულოს ფრაქცია "ქართული ოცნება - რესპუბლიკელების" თავმჯდომარის ხათუნა სამნიძის განცხადებით, ბიუროს სხდომაზე ამ დოკუმენტის მიღება საკრებულოს რეგლამენტის 49-ე მუხლი დაირღვა. მისივე თქმით, ბიუროს არ აქვს უფლებამოსილება რეკომედაცია გაუწიოს საკრებულოს თავმჯდომარეს.
"საკრებულოს თავმჯდომარეს თუ სურს, მას შეუძლია დანამტების გაცემასთან დაკავშირებით ერთპიროვნული პოლიტიკური გადაწყვეტილება მიიღოს. თავმჯდომარეს მანამდეც ჰქონდა და ახლა ბიუროს წევრების ზურგით შეუძლია ბრძანებით დააწესოს დანამატი თანამდებობის პირებისთვის", - აღნიშნა სამნიძემ.
მისივე განცხადებით, მათი ფრაქცია წინააღმდეგი არ არის აპარატის თანამშრომლებზე დანამატების გაცემაზე. ისინი ეწინააღმდეგებიან საკრებულოს თანამდებობის პირებისთვის დანამატების გაცემას. კერძოდ, დანამატს მიიღებენ თავმჯდომარე, მისი ორი მოადგილე, ფრაქციებისა და კომისიების თავმჯდომარეები.
დანამატის ოდენობას თანამდებობრივი სარგოს პროპორციულად საკრებულოს თავმჯდომარე ყოველთვიურად საკუთარი შეხედულებისამებრ გადაწყვეტს.
