მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩემი პრინცის დაბადების დღეა" - ირაკლი ალასანია საყვარელი ქალისგან მილოცვას იღებს
07:37 / 21-12-2014
ყოფილ თავდაცვის მინისტრს, ირაკლი ილასანიას დაბადების დღე მეუღლემ, ნათია ფანჯიკიძემ ორიგინალური ფეისბუქპოსტით მიულოცა.
"ყველა თავშენახული ადამიანი ესკალატორით მილივლივებს ამ ლამაზ გვირაბში, - ამან თავის ფეხით უნდა გაიაროს. ასეთია, სხვანაირად არ შეუძლია. ჩემი პრინცის დაბადების დღეა.
პ.ს. მძინარე მზეთუნახავის ამბავი ხომ არ მოგიკითხავთ, პრინცმა რომ კოცნით გააღვიძა, მას მერე მოვლენები როგორ განვითარდა, როგორ გრძნობს თავს ნეტავ? ისე გული შემტკივა, ვინ იცის, ჩემსავით, "მეყოფა, დავიღალე, დამაძინე ცოტა ხანსო" - იხვეწება?" - წერს ნათია ფანჯიკიძე და მეორე პოსტს კიდევ ერთ იუბილარს, ბავშვიბის მეგობარს უძღვნის.
"დღეს ასევე დაბადების დღე აქვს ჩემს ბავშვობის, პირველი კლასიდან მეგობარს, - 21 დეკემბერი ჩემი ბედისწერაა.
სურათს არ ვაქვეყნებ, არ გავხვევ შარში, ისე მოვყვები ამბავს. მეათე კლასში რომ ვიყავით, (ზომა-წონა მას მერე დიდად არ შეგვცვლია,) ერთ დილას სკოლაში წასვლა დამეზარა, ბალიში კარადაში შევიტანე და დავიძინე. მირეკავს, სად იყავიო, - მის გარეშე შატალოზეც არ წავიდოდი, თავისთავად ცხადი იყო. მოვუყევი, მეძინამეთქი. სასტიკად იწყინა, უჩემოდ ეგ როგორ იკადრე, მეც მინდა კარადაშიო.
მეგობარს ასეთი წვრილმანისთვის გულს ვინ ატკენს? გავაწყვე კარადა ორი ტაბურეტით, შევაცუნცულე საკვები, ტანსაცმელი მეორე კარადაში შევჩურთე, საკიდებზე ხილის პარკები დავკიდე და მოვიპატიჟე. ვიჯექით და ვხორხოცებდით, ისე გვიხაროდა, კარადიდან ბედნიერი აურის სხივები გამოდიოდა. ჩემებს უცნაური ხმები კი ესმოდათ, მაგრამ აზრად ვის მოუვიდოდა, რომ ორი შეღერებული ყმაწვილი ქალი კარადაში ხუთ საათზე მეტხანს ვიჯექით.
სად იყო და სად არა, ჩემი ნათესავი ქალი შემოვიდა, უსაყვარლესი ადამიანი. მარტოხელა იყო და თავის თავთან ხმამაღლა ლაპარაკს მიჩვეული, ხოდა კარგა ხანს მოთმინებით ვისმინე, როგორ ეჭორავებოდა თავის თავს ჩემზე ცუდობებს - "ამხელა გოგომ ლოგინი დაულაგებელი უნდა დატოვოს?" და ეგეთები. ხოდა მაშინ ასე აბრეშუმივით თვინიერი კი არ ვიყავი, ახლა რომ ვარ!? ვეღარ ავიტანე ამდენი და კარადიდან ბროწეულის წვენით დასისხლული ხელი გავყავი.
ჰოო.. მერე ცუდი ამბები მოხდა. იკივლა და გული წაუვიდა. შემოცვივდნენ ჩემები, მოასულიერეს, ის კი ამბავს უყვებოდა დრამატულად, - მეგონა ვიღაცამ მოკლა და კარადაში დამალაო (სასამართლოში მუშაობდა წლები და პროფესიული ტრავმის შედეგი იყო ეს ფანტაზია, როგორც ჩანს). მოკლედ, გამოგვათრიეს და შეგვაჩვენეს.
ვულოცავ მე ჩემს მსუქან ადამიანს დაბადებისდღეს, ძალიან კარგად მოიქეცი ეკა შენ, რომ დაიბადე, ჩემო უძვირფასესთა შორის უძვირფასესო".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
