თავდაცვის მინისტრი მოღალატე და გარეწარია -ირმა ნადირაშვილი

"თავდაცვის მინისტრი მოღალატე და გარეწარია.

დარწმუნებული ვარ, ვლადიმერ პუტინიც ზუსტად ასეთ განცხადებას გააკეთებდა". - კომენტარს საპარლამენტო უმცირესობის წევრი ირმა ნადირაშვილი ფეისბუქის საკუთარ გვერდზე აქვეყნებს.

შეგახსენებთ, დღეს თავდაცვის სამინისტრომ უკრაინაში საქართველოს მოქალაქე ალექსანდრე გრიგოლაშვილის დაღუპვის გამო  განცხადება გაავრცელა და გარდაცლილის ოჯახს მიუსამძიმრა.

"გვინდა ხაზგასმით აღვნიშნოთ, რომ ალექსანდრე გრიგოლაშვილის დაღუპვის გამო, სრული პასუხისმგებლობა ეკისრებათ ყოფილი ხელისუფლების წარმომადგენლებს, რომლებიც საქართველოს მოქალაქეებს მოუწოდებენ, მონაწილეობა მიიღონ ჩვენი ქვეყნის ფარგლებს გარეთ მიმდინარე საბრძოლო მოქმედებებში. თავდაცვის სამინისტროს მხრიდან არაერთხელ აღინიშნა, რომ მსგავსი მოწოდებები არის უპასუხისმგებლო და ემსახურება საქართველოს შეიარაღებული ძალების ყოფილი და მოქმედი სამხედრო მოსამსახურეების შეცდომაში შეყვანას.

თავდაცვის სამინისტრო მოუწოდებს საქართველოს ყველა მოქალაქეს, არ აყვეს პროვოკაციას და სხვადასხვა შემოთავაზების სანაცვლოდ არ ჩაიგდოს საკუთარი სიცოცხლე საფრთხეში.

აქვე ავღნიშნავთ, რომ ალექსანდრე გრიგოლაშვილი, 2007-2008 წლებში მსახურობდა საქართველოს შეიარაღებულ ძალებში. 2008 წლის დეკემბრიდან, კონტრაქტის შეწყვეტის საფუძველზე დათხოვნილ იქნა შეიარაღებული ძალებიდან", - აღნიშნულია თავდაცვის სამინისტროს განცხადებაში.

ასევე წაიკითხეთ: "სამარცხვინო განცხადება! სიტყვებიც არ მყოფნის!" - პეტრიაშვილი თავდაცვის სამინისტროს განცხადებას ეხმაურება