4
ივნისიდღის ზოგადი ასტროლოგიური პროგნოზი
ბიძინა ივანიშვილი პოლიტიკიდან 1 წლის წინ, 2013 წლის ნოემბერში წავიდა. Ambebi.ge დაინტერესდა, თუ როგორ შეიცვალა მისი ფინანსური მდგომარეობა ერთი წლის შემდეგ.
აღმოჩნდა, რომ გასული წელი ბიძინა ივანიშვილისთვის წამგებიანი იყო. თუ 2013 წლის მარტის მონაცემებით, ბიძინა ივანიშვილი Forbes-ის მიერ გამოქვეყნებული მსოფლიოს უმდიდრესი ადამიანების რეიტინგებში 229-ე ადგილს იკავებდა, 2014 წლის 20 დეკემბრის მდგომარეობით, 58 წლის ბიძინა ივანიშვილი მსოფლიოს მილიარდერთა სიაში 273-ე ადგილს იკავებს.
2013 წელს ბიძინა ივანიშვილის ქონება 5,3 მილიარდს შეადგენდა, 2014 წლის მიწურულს კი მისი ქონება 5,2 მილიარდ დოლარად არის შეფასებული.
Forbes-ზე განთავსებულ ინფორმაციაში ხაზგასმით არის აღნიშნული მილიარდერის ინტერესი ხელოვნების ნიმუშების მიმართ. მითითებულია, რომ საქართველოს ექსპრემიერმა, 2006 წელს სოტბის აუქციონზე 95 მილიონად ღირებული პიკასოს სურათი შეიძინა. საერთო ჯამში, ხელოვნების ნიმუშების შესაძენად მან 1 მილიარდი დოლარი დახარჯა.
ასევე Forbes-ზე აღნიშნულია, რომ ივანიშვილს დახარჯული აქვს 3 მილიარდი დოლარი საქართველოში სოციალური და საქველმოქედო პროექტების განსახორციელებლად.
ასევე დაგაინტერესებთ|სინამდვილეში, როგორ გამოიყურება ივანიშვილის მდიდრული აპარტამენტები - 15 ფოტო მილიარდერის რეზიდენციიდან
