ბელგიის ქალაქ გენტში ოთხმა შეიარაღებულმა პირმა მძევალი აიყვანა

ბელგიის ქალაქ გენტში, ერთ-ერთ სახლში ოთხი შეიარაღებული პირი შეიჭრა და მძევლად აიყვანეს სახლში მყოფი მამაკაცი. ინფორმაციას ამის შესახებ "როიტერი" ავრცელებს. ადგილობრივი პოლიციის განცხადებით, შეიარაღებული პირები ბინაში ცოტა ხნის წინ შეიჭრნენ, თუმცა ამ დრომდე უცნობია, რა ხდება ბინაში. გენტის პოლიციის უფროსის ფილიპ რასხარტიის განცხადებით, ადგილზე მობილიზებულია პოლიცია. მისივე განცხადებით, ამ ეტაპისთვის არ არსებობს იმის მტკიცებულება, რომ მომხდარს რაიმე კავშირი აქვს ტერორიზმთან.