ამერიკული ცენტრი "გლობალისტი", გაერთიანებული ერების ორგანიზაციის მოპოვებულ მონაცემებზე დაყრდნობით აცხადებს, რომ დედამიწის მოსახლეობის მხოლოდ 84%-მა იცის წერა-კითხვა.
ამ მხრივ, ყველაზე დაბალი მაჩვენებლები ცენტრალურ აფრიკასა და დასავლეთ აზიაში დაფიქსირდა, სადაც თითქმის 600-მა მილიონმა ადამიანმა არ იცის წერა-კითხვა. აღსანიშნავია, რომ გაუნათლებელი ადამიანების 2/3-ს ქალები შეადგენენ, რომელთაგან 30%-ზე მეტი ინდოეთში ცხოვრობს. წერა-კითხვის არმცოდნე ადამიანების საერთო რიცხვი 780 მილიონს აღწევს. საინტერესოა, რომ ჩინელ ახალგაზრდებს შორის წერა-კითხვის დონე 99%-ს აღემატება.
