"ისლამური რესპუბლიკის" ბოევიკები მოკლული ჟურნალისტის ნეშტს მილიონ დოლარად ყიდიან

ტელეჟურნალისტი და ფოტორეპორტიორი ჯეიმს ფოული უცნობმა შეიარაღებულმა პირებმა, 2012 წელს გაიტაცეს. 2014 წლის აგვისტოში, ე.წ "ისლამური რესპუბლიკის" ბოევიკებმა მას თავი მოკვეთეს, ხოლო სიკვდილით დასჯის ვიდეო ინტერნეტში გაავრცელეს. ამჟამად, ბოევიკები ამერიკის შეერთებული შტატების მთავრობასა და მოკლული ჟურნალისტის ოჯახის წევრებს, ჯეიმსის სხეულის სანაცვლოდ, მილიონ დოლარს სთხოვენ. "ისლამური რესპუბლიკის" მებრძოლების თქმით, ისინი მზად არიან წარმოადგინონ დნმ-ს ანალიზები, რათა დაამტკიცონ, რომ სხეული ნამდვილად ჯეიმსს ეკუთვნის. თუმცა, ამას მხოლოდ თანხის მიღების შემდეგ გააკეთებენ. როგორც თვითონ ფოულის მკვლელები აცხადებენ, მათ კაცთმოყვარეობა ამოძრავებთ და სურვილი აქვთ, დაეხმარონ ნათესავებს, დაიბრუნონ მოკლული ჟურნალისტის ნეშტი.

ამ დროისთვის ტერორისტების ტყვეობაში კიდევ ორი ადამიანი რჩება - ბრიტანელი ჟურნალისტი ჯონ კენტლი და აშშ-ის მოქალაქე 26 წლის ქალი, რომლის ვინაობაც ჯერჯერობით არ სახელდება.

მომზადებულია nypost.com -ის მიხედვით.

Normal 0 false false false MicrosoftInternetExplorer4 BoxOfficeMojo