ნიო-იორკში საპროტესტო აქცია არეულობაში გადაიზარდა

ნიუ-იორკში საპროტესტო აქცია არეულობაში გადაიზარდა. "ევრონიუსის" ინფორმაციით, აქციის მონაწილები პროტესტს გამოთქვამენ ნაფიცი მსაჯულების მიერ პოლიციელ დენიელ პანტალეოს მიმართ კიდევ ერთი გამამართლებელი განაჩენის გამოტანის გამო. CNN-ის ცნობით, სამართალდამცავებმა საპროტესტო აქციის დროს 20-ზე მეტი დემონსტრანტი დააკავეს.

17 ივლისს ერიკ გარნერი პოლიციელებმა სიგარეტის უკანონო ვაჭრობის გამო დააკავეს. აფროამერიკელი მამაკაცი მას შემდეგ გარდაიცვალა, რაც დაკავების მიზნით პოლიციელმა მიწაზე დაანარცხა და ყელში ხელები წაუჭირა.

ექსპერტიზის დასკვნის თანახმდ, 43 წლის ერიკ გარნერს ასთმა აწუხებდა, რაც მისი გარდაცვალების მიზეზი გახდა. ადგილობრივი უფლებადამცველების განცხადებით, მომდევნო კვირას მასშტაბური საყოველთაო მარში გაიმართება, რომლის მონაწილეებიც ნაფიც მსაჯულთა გადაწყვეტილებებსა და პოლიციელთა ქმედებებს გააპროტესტებენ. ამასთან, გასულ კვირას მისურის შტატის ქალაქ ფარგიუსონში მასობრივი გამოსვლები და არეულობა მოჰყვა ნაფიც მსაჯულთა კიდევ ერთ გადაწყვეტილებას, რომელთაც 18 წლის აფროამერიკელი მოზარდის, მაიკლ ბრაუნის მკვლელი პოლიციელი გაამართლეს.