მილიონერმა ყოფილ თანასოფლელებს ლუქსის კლასის ვილები აუშენა

ჩინელმა მილიონერმა იმ სოფლის მცხოვრებლებს, სადაც ბავშვობა გაატარა, ვილები და მდიდრული სახლები აუშენა. სიუნ შუიხუამ ლუქსის კლასის ახალ საცხოვრებელ სახლებში 72 ოჯახი გადაიყვანა. გარდა ამისა, 18 ოჯახს, რომელთათვისაც მილიონერს მადლობის თქმა უნდოდა, ვილები აუშენა.

სიუნის განმარტებით, მან იმაზე მეტი ფული დააგროვა, ვიდრე დახარჯვა შეუძლია, ამასთან, მას არ სურს საკუთარი ფესვების დავიწყება. "ყოველთვის ვიხდი ვალებს და ამიტომ მინდოდა მადლობა მეთქვა იმ ადამიანებისთვის, რომლებიც მე და ჩემს ოჯახს გვეხმარებოდნენ, როდესაც ახალგაზრდა ვიყავი" - განაცხადა ფილანტროპმა.