31
მარტიდღის ზოგადი ასტროლოგიური პროგნოზი
ბეტ ჰარტის კონცერტს ქართველი მსმენელი მოუთმენლად ელოდა, თუმცა ბევრი მათგანი კონცერტის ბილეთის გარეშე დარჩა. შეიძლება ითქვას, რომ ტელეპროექტ "ბრავოს" სუპერფინალში გადასულ მონაწილეებს ყველაზე მეტად გაუმართლათ. მათ ბეტ ჰარტმა "შერატონ მეტეხი პალასში" მასტერკლასი ჩაუტარა, დატვირთული გრაფიკის მიხედვით დადგენილ 40 წუთზე გაცილებით მეტი დრო დაუთმო, საკუთარი გამოცდილება გაუზიარა და ბევრი რჩევაც მისცა.
პარასკევს, "ბრავოს" სუპერფინალში ამაზე ვრცელ სიუჟეტს ვიხილავთ, თუმცა, როგორც გავიგეთ, ბეტ ჰარტი "იქს ფაქტორის" ყოფილი მონაწილით, თამუნა შავერდაშვილით განსაკუთრებით მოიხიბლა. ბეტი თამუნას კერპი ყოფილა.
შავერდაშვილმა მასტერკლასზე ჰარტის დაწერილი სიმღერა შეასრულა, რამაც ცნობილ მომღერალს გული აუჩუყა. თამუნას უთხრა, რომ ის განსაკუთრებით სექსუალურია, ამ სიმღერას კი ისეთი გრძნობით ასრულებს, თითქოს ბეტის ისტორია, რამაც ეს სიმღერა წლების წინ დააწერინა, მასაც გადახდა თავს. აღფრთოვანებულმა მომღერალმა ექსპრომტად თამუნა შავერდაშვილთან ერთადაც იმღერა. მასტერკლასის ბოლოს კი ავტოგრაფები დაარიგა და ყველა მსურველთან სამახსოვრო ფოტოც გადაიღო.
