10
ივლისიდღის ზოგადი ასტროლოგიური პროგნოზი
კასპის რაიონის სოფელ ცხავერში 22 წლის შემდეგ სინათლე პირველად 12 ნოემბერს აინთო. ცხავერში, რომელიც ზღვის დონიდან 1300 მ-ზე მდებარეობს, ამჟამად 10-მდე კომლი ცხოვრობს. ადგილობრივი მცხოვრებლების თქმით, ისინი ძირითადად, სერიალებს და საინფორმაციო გამოშვებებს უყურებენ.
22 წლის წინ უშუქოდ დარჩენილ სოფელში ელექტროენერგიის სადენები 1997 წელს მთლიანად მოიპარეს. დღევანდელი მდგომარეობით კი, 45 აბონენტია დარეგისტირებული. გამგებლის წარმომადგენლის, გურამ ბარნოვის თქმით, სოფელში ზაფხულში მცხოვრებთა მონაცემებიც გაითვალისწინეს.
უშუქობის პრობლემის შესახებ სოფელ გოსტიბეობას დღესასწაულზე მიმავალმა ადგილობრივი ხელისუფლების წარმომადგენლებმა გზაზე დახვედრილი მოსახლეობისგან შეიტყვეს. ჩინოვნიკებმა სინათლისა და წყლის პრობლემის მოგვარების პირობა დადეს. "მე დენს მივხედავ, გოჩა წყალს მიხედავს", - ასე დაემშვიდობნენ გუბერნატორი ზურაბ რუსიშვილი და მუნიციპალიტეტის გამგებელი გოჩა გოჩიტაშვილი ცხავერელებს ზაფხულში.
