როგორ დავიცვათ თავი ვირუსებისგან - ინფექციონისტის რჩევები

როგორც მოგეხსენებათ გვიანი შემოდგომაზე და ზამთარში გაციების რისკი ძალიან მაღალია.  გაციებას ართულებს სიცივე, რაც ხშირად მძიმე ფორმის ვირუსად ყალიბდება, ვირუსი თავისთავად  იწვევს ხველას, მაღალ ტემპერატურას, ყელის ტკივილს, სისუსტეს. როგორ ვებრძოლოთ ასეთ სიპტომებს და დავიცვათ თავი ვირუსებისგან. კითხვებს ექიმი-ინფექციონისტი, თინათინ ქორიძე პასუხობს.

გამოგზავნილი კითხვები

ქეთი:

არსებობს თუ არა ვირუსული ინფექციების გავრცელების რისკი?

-ვირუსები არის ცოცხალი ორგანიზმები, რომლებიც ცხოვრობენ ადამიანებთან ერთად. ასე, რომ ვირუსული ინფექციები ყოველთვის არის გავრცელებული და არსებობს ბუნებაში. აქ საუბარია იმაზე, კონკრეტულად რომელი ვირუსების გავრცელებას ველოდებით ამა თუ იმ წელს.

ზამთრის სეზონის დადგომასთან ერთად მატულობს სასუნთქი სისტემის ვირუსული ინფექციები., როგორიც არის გრიპი ადენოვირუსული ინფექცია, რინოვირუსი, რომელსაც ხალხი ხშირად გაციებას ეძახის. ჰგონიათ "გავცივდი მხოლოდ და ვირუსი არა მაქვს".

გაციება ისეთივე ვირუსული ინფექცია არის, როგორიც გრიპი და ადენოვირუსი, რომელიც აზიანებს ზემო სასუნთქ გზებს.

ყველაფერი დამოკიდებუილია იმაზე, ორგანიზმი მოცემულ მომენტში რამდენად არის მზად, რომ დახვდეს და წინააღმდეგობა გაუწიოს ვირუსს. ხშირად შესაძლებელი არის, რომ ერთი და იგივე ვირუსმა ოჯახის რამდენიმე წევრი დაავადოს და ზოგიერთები გადარჩნენ ამ დაავადებას. ეს არის დამოკიდებული იმ წუთას, იმ მომენტში კონკრეტულ დროს ორგანიზმი რამდენად არის მზად, რომ გაუმასპინძლდეს ამა თუ იმ ვირუსს.

ლიკა:

უკვე 3 თვეა მაქვს ხველა. რომელიც პერიოდულად, დღე-ღამეში 8-10-ჯერ სპაზმის სახით მეორდება. პერიოდებს შორის არანაირი ტკივილი ან გაციების ნიშნები არა მაქვს. ექიმი ყოველ მისვლაზე მიცვლის წამლებს. ხან ამოსახველებელ საშუალებებს მაძლევს, ხან ალერგიისას მაგრამ უშედეგოდ. როგორ მოვიქცე?

-კონკრეტულ შემთხვევაში აუცილებელია პაციენტმა მიმართოს ალერგოლოგს, იმიტომ, რომ როდესაც სამი თვე გრძელდება ხველა, მშრალი და არა შემაწუხებელი, აუცილებლია მიმართოს ალერგოლოგს.

მაია:

როგორ მოვირჩინოთ ეს უსასრულო ხველა. ერთი თვის წინ გავცივდი და ახლაც მახველებს.

-დასაზუსტებელია რა ანალიზები აქვს გაკეთებული, ეს ხველა რა ხასიათს ატარებს. რა მედიკამენტებს იღებს. არის თუ არა ის მწეველი. ყველაფერი არის გასათვალისწინებელი. ზეპირად რჩევის მიცემა ძნელია.

ლალი:

იმუნიტეტის და დასუსტებული ორგანიზმის გასაძლიერებლად რას გვირჩევთ?

-გრიპი, როგორც ავღნიშნე, არის ზემო სასუნთქი გზების ვირუსული ინფექცია . გრიპს ესაჭიროება სახლის პირობებში მკურნალობა და თუ ის გართულდება და სიცოცხლისათვის საშიშ მდგომარეობას შეუქმნის ორგანიზმს, მაშინ იქმნება აუცილებლობა მისი სტაციონარში მოხვედრის. ყველა შემთხვევაში გრიპს უნდა ვუმკურნალოთ სახლის პირობებში. ამისთვის საჭიროა სითბო, სითხის დიდი რაოდენობა და მაღალი ტემპერატურის შემთხვევაში მიიღოს სიცხის დამწევი საშუალება. თუ პარალელურად სხვა ჩივილები აწუხებს: ხველა, ცხვირიდან გამონადენი, დაავადება რა ნიშნითაც გამოვლინდება მის საწინააღმდეგოდ, სიპტომურად უნდა მოხდეს მისი მკურნალობა, სახლის პირობებში. გრიპი არის ვერაგი დაავადება, იმიტომ, რომ ვირუსული დაავადება, კონკრეტულად გრიპი, ძალიან ხშირად ააქტიურებს მეორად ფლორას. თუ ორგანიზმში არსებობს ინფექციურ-ბაქტერიული კერა, ამ შემთხვევაში ხდება ანტიბიოტიკის ჩართვა მკურნალობაში. თვითონ გრიპს სახლის პირობებში ვმკურნალობთ.

ნანა:

როგორ ვუმკურნალოთ გრიპს სახლის პირობებში?

-იმუნიტეტის გასაძლიერებლად საუკეთესო საშუალება არის ბავშვებში ზაფხულში და ზამთარში მაღალმთიან კურორტებზე დასვენება. ჩვენ უნდა მოვახდინოთ ორგანიზმის ვარჯიში, ტრენირება დაბალ და მაღალ ჰაერთან შეგუებისას, ამ დროს ხდება ძალიან კარგი ვარჯიში და გამოწრთობა იმუნიტეტის. პარალელურად ეს მოიცავს იმუნიტეტის გამოწრთობას. ასევე საჭიროა სრულფასოვანი კვება, დღის სწორი რეჟიმის ორგანიზება, დასვენება დასვენების დროს, ძილი ძილის დროს. კვება დღის პირველ ნახევარში, საღამოს კვება რაც შეიძლება ნაკლები და ა.შ. ცხოვრების ჯანსაღი წესი- ეს არის იმუნიტეტის გამოწრთობისთვის ყველაზე საუკეთესო წამალი.

მარი:

შესაძლებელია თუ არა ბრონქების გაღიზიანების შედეგად ჩამოყალიბდეს ასთმა, რამდენად დიდია ეს რისკი და შეგვიძლია თუ არა ამ სიპტომების თავიდან აცილება?

-ასთმა ეს არის ალერგიული დაავადება. ასთმას უნდა მკურნალობდეს ალერგოლოგი. როდესაც ხელში გვიჭირავს დიაგნოზი - ასთმური ბრონქიტი, ეს უკვე იმას ნიშნავს, რომ ბავშვი იქნება ის თუ მოზრდილი ადამიანი, უნდა იმყოფებოდეს მუდმივი მეთვალყურეობის ქვეშ. აქედან გამომდინარე აქ საუბარი არის ხშირ გაციებაზე. ასეთ შემთხვევაში არსებობს ბრონხიოლიტის რისკი, განსაკუთრებით მცირეწლოვან ბავშვებში. ეს არის რისკ ჯგუფი იმისა, რომ ბავშვს დაეწყოს ასთმური მოვლენები და გარდა ამისა გადამწყვეტი მნიშვნელობა აქვს ასთმის ჩამოყალიბებაში მემკვიდრეობითობას. აქვს თუ არა ოჯახის რომელიმე წევრს ეს დაავადება - რისკი მაღალია. გარდა ამისა უნდა ავღნიშნოთ, ხომ არ არის ოჯახში მწეველი ადამიანი, იმიტომ, რომ თამბაქოს კვამლი ოთახში როცა ტრიალებს, ეს არის სერიოზული გამაღიაზიანებელი ბრონქებისათვის. ასეთ ოჯახში მწეველები ნაკლებად უნდა სტუმრობდნენ, ან თავი შეიკავონ თამბაქოს მოწევისაგან.

ნანა:

ჩემს 14 წლის შვილს აქვს ასთმა. გაცვების შემთხვევაში ძალიან რთულ ფორმებში გვიწევს ამ პერიოდის გადატანა. გამწვავების სეზონი თუ ახასიათებს ამ დაავადებას, ან, ალერგიულ ფონთან თუ არის რაიმე კავშირში?

-მათ უკვე აქვთ დიაგნოზი - ასთმა. როდესაც არის გარემოს ტემპერატურა დაბალი, ამ დროს ცივი ჰაერის შესუნთქვა მაპროვოცირებელ ფაქტორად ითვლება და შესაძლებელია მოხდეს გამწვავება კიდევაც. ამიტომ უნდა მოვარიდოთ კონტრასტურ ტემპერატურებს. ხშირად არის რომ ერთ ოთახს ათბობენ მხოლოდ სახლში და დანარჩენ ოთახში არის საკმაოდ განსხვავებული ტემპერატურა. ბავშვთა ასაკში გავრცელებულია არასასიამოვნო პრობლემა, ეს არის ცრუ კრუპი. კრუპისთვისაც მაპროვოცირებელი არის ტემპერატურის სხვაობა . თბილი ოთახიდან უცებ გარეთ გასვლა, აივანზე, ეზოში ... ეს იწვევს სპაზმური ხევლის დაწყებას.

ლიკა:

რით შევამსუბუქოთ გაცივების სიმპტომები?

- მე უკვე ავღნიშნე, რომ გაციება, როგორც ასეთი არ არსებობს. ეს არის ვირუსული ინფექცია. ვირუსი, რომელიც აზიანებს ზემო სასუნთქ გზებს და გამოვლინდება ცემინებით, ცხვირიდან გამონადენით და შემდეგ იწყება მშრალი ხველა, ეს გადადის უხვ პროდუქტიულ ხველაში, გარდა ამისა გვაწუხებს თავის, სახსრების ტკივილი, სისუსტე, ამ ყველაფრის შემსაუბუქება შესაძლებელია სახლის პირობებში . არაფრით არ შეიძლება ბავშვის საბავშვო ბაღში გაშვება , სკოლაში გაშვება. სტუდენტის ლექციაზე წასვლა, მოსამსახურეების სამსახურში წასვლა, ასევე საზოგადოებრივი თავშეყრის ადგილებში. ასეთი სიპტომების მქონე ადამიანი ითვლება ძალიან საშიშად ეპიდემიოლოგიური თვალსაზრისით. ასევე მისთვისაც არ არის სასურველი. ასეთი სიპტომების შემთხვევაში ადამიანი უნდა იყოს სახლში, შეძლებისდაგავარდ წოლითი რეჟიმი ძალიან კარგი იქნება. მაგრამ სახლში იყოს და ფიზიკური დატვირთვა ჰქონდეს, ეს არავითარ შემთხვევაში არ შეიძლება. ასეთმა პაციენტმა უნდა მიიღოს დიდი რაოდენობით თბილი სითხეები. დიდი ვიტამინიზირებული წვენები (ჩაი, კომპოტი), ასევე გაზგასული მინერალური წყალი. სითხით უნდა დაიტვირთოს და უნდა იყოს სახლში ერთ ადგილას.

ქეთი:

რა იწვევს სასუნთქი გზების გაცივებას და როგორ დავიცვათ ბავშვები ვირუსული დაავადებებისგან?

-როდესაც არის ეპიდემია, ასეთ შემთხვევაში ვურჩევ ყველას თავი შეიკავონ და ბავშვები არ გაუშვან ბაღებში, სკოლებში, თავშეყრის ადგილებში. ამ წუთას ასეთი ეპიდემიური სიტუაცია არ არის.

მე ვურჩევ პედაგოგებს და დირექტორატს, რომ მაქსიმალურად მიაქციონ ყურადღება შემდეგს: მაქსიმალურად გაანიავონ ოთახები, სველი წესით მოხდეს დალაგება.

მშობლებს კი ვთხოვ, რომ არ გაუშვან ბაღში ისეთი ბავშვები, რომლებსაც აქვთ ჩივილები სასუნთქი გზების ვირუსული ინფეციების, მწვავე რესპირატურული ვირუსის ინფეციისთვის დამახასიათებელი ნიშნები, რომელიც უკვე ჩამოვთვალე: ცემინება, ხველა, ცხვირიდან გამონადენი, ტემპერატურაზე აღარ არის საუბარი.

სალომე:

გავრცელებული ვირუსების გამო ბავშვი საბავშვო ბაღში არ დაგვყავს, ვფიქრობთ ამით შეგვიძლია თავიდან ავიცილოთ გართულებები. თქვენ როგორც სპეციალისტი ამ კუთხით რას გვირჩეთ?

-თუ ასეთი რამ მოხდა და აუცილებელია, რომ ბავშვი გავუშვათ სკოლაში ან ბაღში, მაშინ ის უნდა გავუშვათ პირბადით, რომ არ გახდეს ინფექციის წყარო სხვებისთვის. როცა ოჯახის ერთი წევრი არის დაავადებული ვირუსით, ძალიან კარგი იქნება თუ ის იქნება იზოლირებული. მასთან შედიოდეს მხოლოდ ერთი ადამიანი, რომელიც მოუვლის, საკვებს შეუტანს, რომელთანაც მას მუდმივი კონტაქტი ექნება და ეს ადამიანი უნდა იცავდეს ზედმიწევნით პირად ჰიგიენურ წესებს. ხელები უნდა დაიბანონ აუცილებლად საპნიანი წყლით. (ხელის დაბანა არ ნიშნავს ხელების წყალში შეშვერას). უნდა ეკეთოს პირბადე და ხშირად უნდა ვუცვალოთ ავადმყოფს თეთრეული. ეს თითქოს ძალიან მარტივია და ყველამ იცის, მაგრამ სამწუხაროდ ხშირად ავიწყდებათ.

ხშირად ამბობენ: "ვირუსმა ყველას დაგვრია ხელი", "მთელი ოჯახი ჩაწოლილები ვართ",- ეს იმიტომ, რომ არ ხდება ამ სანიტარული ნორმების დაცვა.

ამას თუ დავიცავთ ჩვენ დაცულები გვეყოლება ჩვენი ოჯახის წევრები და ჩვენი შვილები ვირუსისგან.

ნახეთ ვიდეო