სკარლეტ იოჰანსონი საიდუმლოდ დაქორწინდა

ჰოლივუდის მსახიობი სკარლეტ იოჰანსონი, რომელიც 4 სექტემბერს დედა გახდა, საიდუმლოდ დაქორწინდა.

სკარლეტმა და მისმა მეორე ნახევარმა ერთ-ერთ ღონისძიებაში მიიღეს მონაწილეობა, სადაც პაპარაცების ყურადღება მიიპყრეს. არათითზე მსახიობს მასიური ბრილიანტის ბეჭედი ეკეთა. ჟურნალისტებმა დაასკვნეს, რომ იოჰანსონმა და მისმა შეყვარებულმა საიდუმლოდ იქორწინეს.

შარშან, აგვისტოში სკარლეტი ფრანგ ჟურნალისტ რომენ დორიაკზე დაინიშნა. 2014 წლის სექტემბერში მათ ქალიშვილი, როუზი შეეძინათ, მაგრამ ქორწილის შესახებ არავინ საუბრობდა. 2008 წელს სკარლეტი მსახიობ რაიან რეინოლდსთან დაქორწინდა, ორი წლის შემდეგ კი წყვილი ოფიციალურად გაეყარა ერთმანეთს.