სერგეი ლავროვი - ჩვენ მზად ვართ, საქართველოსთან ურთიერთობების ნორმალიზაციის პროცესი გავაგრძელოთ
რუსეთის საგარეო საქმეთა მინისტრის, სერგეი ლავროვის განცხადებით, მოსკოვი მზადაა საქართველოსთან ურთიერთობების ნორმალიზაციისკენ მიმართული პროცესი გააგრძელოს. "რია ნოვოსტის" ინფორმაციით, ამის შესახებ რუსეთის საგარეო უწყების პირველმა პირმა სახელმწიფო სათათბიროში, სამთავრობო საათზე გამოსვლისას განაცხადა. "ჩვენ მზად ვართ გავაგრძელოთ საქართველოსთან ურთიერთობების ნორმალიზაციის პროცესი", - განაცხადა ლავროვმა.
საქართველოს საკითხის გარდა, ლავროვმა ვრცლად ისაუბრა უკრაინის კრიზისზე, დასავლეთთან კომპრომისის შესაძლებლობაზე და საერთაშორისო ურთიერთობებზე.