იუსტიციის სამინისტრო წულუკიანის ივანიშვილთან შეხვედრას უარყოფს

საქართველოს იუსტიციის სამინისტრო უარყოფს გავრცელებულ ინფორმაციას, რომ მინისტრი თეა წულუკიანი ყოფილ პრემიერ-მინისტრს ბიძინა ივანიშვილს ხვდება.

როგორც "ინტერპრესნიუსს" იუსტიციის სამინისტროში განუცხადეს, თეა წულუკიანი ამ წუთებში ბიძინა ივანიშვილის ბიზნესცენტრში არ იმყოფება და შესაბამისად ყოფილ პრემიერთან შეხვედრა არ მიმდინარეობს.

რამდენიმე წუთის წინ გავრცელდა ინფორმაცია, რომ პრემიერ-მინისტრი ირაკლი ღარიბაშვილი და იუსტიციის მინისტრი თეა წულუკიანი ბიძინა ივანიშვილის ბიზნესცენტრში შეხვედრას მართავენ.

ასევე ვრცელდება ინფორმაცია, რომ ბიძინა ივანიშვილს დღეს თავდაცვის ყოფილი მინისტრი ირაკლი ალასანიაც შეხვდა.

"ინტერპრესნიუსი"