მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"უნიკალური და ორიგინალური შემოქმედი და პოეტი ვარ" - "მოულოდნელი კითხვები" დეფის
02:35 / 07-11-2014
ამჯერად დავით დეფი გახლავთ ჩემი "მოულოდნელი კითხვების" ობიექტი...
ის ერთი ორიგინალური და შემოქმედია... ყოველთვის ორიგინალური იყო. საზოგადოებას უყვარს, მაგრამ მავანი მას რატომღაც ისეთად არ იღებს, აღიქვამს, როგორიც არის.არადა, ადამიანი ზოგადად, ისეთი უნდა მიიღო, როგორიც არის, მაგრამ ეს ფორმულა ყოველთვის არ მუშაობს...- სად ხართ და როგორ?
- ახლა სახლში ვარ და კარგად. ჩემი სახლი დიდი მდუმარების წიაღშია.
- რა დღეა დღეს?
- ის დღე, რომელიც გუშინ მომავალი იყო და ხვალ გახდება წარსული.
- თარიღებს ადვილად იმახსოვრებთ და რა დატვირთვა აქვს მას თქვენს ცხოვრებაში?
- ხან ადვილად ვიმახსოვრებ, ხან - არა. თარიღებს იგივე დატვირთვა აქვს, როგორც ბგერებს.
- როგორ ფიქრობთ, რა ხდება "ქუეყანასა ზედა?"
- ამაოება ამაოთა და ყოველივე ამაო...
- რატომ მიდი-მოდიან ამდენს ეს პოლიტიკოსები?
- ასეთია მათი ბუნება.
- როდის ტეხავს?
- როცა არ ასწორებს...
- თქვენ მიერ პოეტურ ორდენ "სამკაულის" დაარსებამ გაამართლა?
- აბსოლუტურად.
- როგორც ვიცი, პროფესიით არქიტექტორი ხართ. რას დააპროექტებდით საქართველოში?
- პროფესიით არა, განათლებით ვარ არქიტექტორი და მე უკვე დავაპროექტე და ავაშენე კიდეც - ჩემი წიგნებით ავაგე დიდი, უკვდავი და უსასრულო სამყარო...
- როგორ ფიქრობთ, ხართ თუ არა ორიგინალური ტიპაჟი?
- ტიპაჟი არ ვიცი, რა არის, მაგრამ ორიგინალური პიროვნება, ორიგინალური შემოქმედი და ორიგინალური პოეტი ვარ. თანაც უნიკალური.
- ტელევიზია, კინო, პოეზია - ეს არის თქვენი სამოქმედო არეალი, რომელია უფრო მცირე და პატარა?
- ტელევიზია ადრე იყო, კინოც. ყველაფერი გამოხატვის საშუალებაა. პოეზია კი ჩემი სულია. პოეზია სიყვარულის გამოთქმაა. მე ვარ პოეზია...- დავას ყოველთვის აქვს აზრი?
- არ ვიცი.
- მინისტრის პორტფელი არ გდომებიათ?
- არასდროს.
- ვითომ არ მოგიხდებოდათ?
- არ ვიცი.
- მინდა, ერთი თქვენივე ფრაზით გკითხოთ: "აქედან ყველანი ცოცხლები გავალთ?"
- დიახ, აქედან ყველანი ცოცხლები გავალთ.
- რა არის "ლოგიკური აბდაუბდა?"
- ჩემი ერთ-ერთი ლექსის სათაური. ადივარ ქვევით, ჩავდივარ ზევით...
- "ინდიგო თაობა" მართლა მოდის?
- დიახ, მაგრამ ეს პირობითი სახელია. ჩვენ თაობაში არიან ასეთები. მე ვარ ინდიგო, რადგან ჩემი მკითხველი ზეგინდელი დღის მკითხველია...
- რას ეძებთ სიტყვებში?
- ბედნიერებას. მდუმარებას. თანაგრძნობას. მაგრამ არ ვეძებ - სიტყვა თვითონაა ეს ყველაფერი და ისინი ჩემში არიან... და თქვენშიც. ამიტომაც ვწერ წიგნებს, რომ მათი ამოკითხვა სხვებმაც შეძლონ.
- ბოლო დროს თქვენი საყვარელი აქსესუარი მგონი, ბერეტია. რატომ? სვანური ქუდი არ მოგიხდებოდათ?
- სვანური ქუდი ჩემი უსაყვარლესი ქუდია. უნიკალურია სვანური ქუდი. ბერეტი და შლაპაც მახურავს. ისინიც უნიკალურები არიან...
- გამოუვალი მდგომარეობა არ არსებობსო. მართალია?
- დიახ, მართალია. გამოსავალი და გასასვლელიც ყოველთვის არსებობს, ოღონდ, უნდა იცოდე, სადაა ის და რა არჩევანის გაკეთება გიწევს. ასეთ დროს ვიგებთ, სინამდვილეში ვინ ვართ.
- და ბოლოს, სამი სიტყვა, რითაც დაგვემშვიდობებით.
- ყველაფერი კარგად იქნება. და კიდევ ორი სიტყვა ჩემგან საჩუქრად - მთავარი წინაა.
ლალი ფაცია
Ambebi.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიკა მელია სასამართლო სხდომაზე გამოცხადებას და გირაოს გადახდას არ აპირებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
