მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ალასანიას გუნდი "ქინდერ სიურპრიზის" მოლოდინში და პრემიერის შეურაცხმყოფელი განცხადებების შეფასებები
07:53 / 06-11-2014
პრემიერ-მინისტრის ირაკლი ღარიბაშვილის მიერ დაპირებული სიურპრიზი ალბათ "ქინდერ-სიურპრიზია", - ასე ეხმაურება პარლამენტის ვიცე-სპიკერი, ფრაქცია "თავისუფალი დემოკრატების" წარმომადგენელი ზურაბ აბაშიძე პრემიერ-მინისტრის მიერ მინისტრებთან შეხვედრის დროს გაკეთებულ განცხადებებს.
"ნამდვილად არ მინდა და ვფიქრობ, რომ არც ღირს ტალახის სროლაზე რაიმე კომენტარის და შეფასების გაკეთება. სურვილი მაქვს ამ ყველაფერზე მაღლა დავდგე. ნამდვილად არ ვიცი რა სიურპრიზებზე საუბრობს ირაკლი ღარიბაშვილი, ეს ალბათ "ქინდერ სიურპრიზია", - განუცხადა "ინტერპრესნიუსს"ზურაბ აბაშიძემ.
ევროპულ და ევროატლანტიკურ სტრუქტურებში ინტეგრაციის საკითხებში ყოფილი სახელმწიფო მინისტრის ალექსი პეტრიაშვილის მოსაზრებით, პრემიერ-მინისტრის დღევანდელი განცხადებები, ირაკლი ღარიბაშვილის იმიჯისთვის საზიანოა.
"მას არაფერს სიკეთეს არ მოუტანს ასეთი ტიპის განცხადებები, რადგან რეალობა ნამდვილად სხვა არის. ეს საზოგადოებამაც იცის, ეს პრემიერმა ღარიბაშვილმაც კარგად იცის და საერთაშორისო თანამეგობრობამაც. ამიტომ თუკი მას ჰყავს ისეთი მრჩევლები, ვინც მას რჩევებს აძლევს, რომ ასეთი ფორმულირებებით ილაპარაკოს, ძალიან ცუდია. თუმცა, მე ვურჩევდი თუ მიიღებს - არ მიიღებს, ეს მისი საქმეა, ამ ტიპის განცხადებები ნამდვილად მის იმიჯს უფრო აზიანებს, ვიდრე ამით ირაკლი ალასანიას დააკლებს რამეს", - აღნიშნა ალექსი პეტრიაშვილმა.
"პრემიერს პოლიტიკური სიმწიფე აკლია", - ეს ვიქტორ დოლიძის შეფასებაა.
ვიქტორ დოლიძის შეფასებით, ირაკლი ღარიბაშვილის ქცევა არაკონსტრუქციული იყო და ეს მასზე ცუდად აისახება.
რაც შეეხება "ნაციონალურ მოძრაობასთან" ურთიერთობას, ვიქტორ დოლიძემ "ნაციონალურ მოძრაობასთან" ყველანაირი სახის კავშირი უარყო და პრემიერს სამომავლოდ ანალიზის გაკეთებისკენ მოუწოდა.
"ნაციონალურ მოძრაობასთან" ჩვენი ფუნდამენტური განსხვავებების გამო არანაირი კავშირი არ გვექნება, ღმერთმა დაგვიფაროს. მე პრემიერს ვურჩევდი მომავალში რიტორიკა შეარჩიოს და ანალიზი გააკეთოს ვის და რა თემებზე მიმართავს. პოლიტიკური სიმწიფე პირადად მას წაადგება", - განაცხადა ვიქტორ დოლიძემ.
შეგახსენებთ, რომ საქართველოს პრემიერ-მინისტრის ირაკლი ღარიბაშვილმა დღეს განაცხადა, რომ ირაკლი ალასანიას შესახებ მისი თანაგუნდელები ბევრ სიურპრიზს გაიგებენ.
"ეს იქნება კიდევ ერთი შემარცხვენელი მისთვის პირადად და მისი თანაგუნდელებისთვის, რომლებიც ასევე გაიგებენ ბევრ სიურპრიზს მის შესახებ", - განაცხადა ღარიბაშვილმა.
გარდა ამისა, საქართველოს პრემიერ-მინისტრმა ირაკლი ღარიბაშვილმა თავდაცვის მინისტრის პოსტიდან გადაყენებულ ირაკლი ალასანიას "ავანტიურისტი", "უჭკუო" და "ამბიციური" დღეს მთავრობის ადმინისტრაციაში მინისტრებთან შეხვედრისას უწოდა. პრემიერმა ალასანია "ნაციონალური მოძრაობის" ლობირებაშიც დაადანაშაულა.
ამავე თემაზე:
- "მე არ მყავს უჭკუო და ავანტურისტი მეგობრები" - თინა ხიდაშელი ალასანიას მხარდაჭერას საჯაროდ უცხადებს
- "მეფე და ჩიტი" - ნათია ფანჯიკიძის რეაქცია ღარიბაშვილის მიერ ალასანიას საჯაროდ შეურაცხყოფაზე
- ღარიბაშვილმა ალასანიას უჭკუო ავანტიურისტი უწოდა - "კარგია, რომ ჩამოვიშორეთ ასეთი მოღალატე გუნდიდან"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
