მნიშვნელოვანი ინფორმაცია
13
ივლისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 23:31-ზე, მთვარე მერწყულშია – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. თანამშრომლებს ნაკლები შეხება უნდა ჰქონდეთ უფროსთან, მხოლოდ საჭიროების შემთხვევაში. დაიცავით ნეიტრალიტეტი კოლეგების მიმართ. არ არის რეკომენდებული შეხვედრების დანიშვნა. ხელშეკრულებების გაფორმება. ახალ სამსახურში გადასვლა. დაუფიქრებლად მოქმედება. ნუ აჰყვებით პროვოკაციებს და ნუ მოახდინეთ სხვების პროვოცირება. მოერიდეთ მთვრალ ადამიანებთან ურთიერთობა. უცნობ ადამიანებთან კონტაქტი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მისი ყველა გამოსვლა ამოჭრილია" - დაპირისპირება myvideo.ge-სა და ბურჯანაძეს შორის
05:21 / 06-11-2014
"გაერთიანებული დემოკრატიული მოძრაობის" საზოგადოებასთან ურთიერთობის სამსახურის უფროსი ბაკურ ბაკურაძე Facebook-ზე წერს, რომ ვიდეოპორტალ Myvideo.ge-დან ყველა ის სატელევიზიო გამოსვლის ჩანაწერი, რომელშიც ნინო ბურჯანაძე იყო რესპოდენტი, საიტიდან "ამოჭრილია". ბაკურაძე იმედს იტოვებს, რომ ვიდეოპორტალი დროულად გამოასწორებს აღნიშნულ პრობლემას.
Facebook/ ბაკურ ბაკურაძე:
"4 ნოემბერს "გაერთიანებული დემოკრატიული მოძრაობის" ლიდერი პირდაპირ ეთერში ჩაერთო გადაცემა არჩევანში რუსთავი 2-ზე 23:40 საათზე და ინტერვიუ გაგრძელდა 23:59 საათამდე.
5 ნოემბერს ნინო ბურჯანაძე გახლდათ "მაესტროს ცხრიანის" სტუმარი 22:45 საათზე და საუბრობდა 22:58 საათამდე.
ასევე 5 ნოემბერს ნინო ბურჯანაძე გახლდათ "ეკა ხოფერიას" თოქ-შოუს სტუმარი, რომელიც დაიწყო ტრადიციულად 22:00 საათზე და ინტერვიუ ნინო ბურჯანაძესთან გრძელდებოდა 22:37 საათამდე.
myvideo.ge!!!!!!!!!
გაოგნებული ვარ...
სწორედ ეს დროები არის ამოჭრილი (ამ წუთამდე, პოსტის დადებამდე კიდევ გადავამოწმე) ამ საიტზე არქივიდან. მინდა ვიფიქრო რომ ეს ყველაფერი არის დამთხვევა ან ტექნიკური პრობლემა. არ მინდა ვიფიქრო, რომ დღეს "ნაციონალური მოძრაობას" კვლავ ხელეწიფება შეცვალოს, გააქროს ან დაამახინჯოს ინტერნეტ სივრცეში ინფორმაცია, როგორც ის ამას ხელისუფლებაში ყოფნის დროს აკეთებდა, მაშინ, როდესაც ქალბატონი ნინო ბურჯანაძის რეალური პოზიცია ან დამახინჯებულად ან საერთოდ არ მიდიოდა მოსახლეობამდე.
იმედს ვიტოვებ myvideo.ge დროულად გამოასწორებს აღნიშნულ პრობლემას", - ამბობს ბაკურაძე.
აღნიშნული ბრალდების შემდეგ ოფიციალური კომენტარი გააკეთა Myvideo.ge-მ. საიტმა განცხადება Facebook-ის ოფიციალურ გვერდზე გამოაქვეყნა.
Facebook/myvideo.ge:
"გვსურს კომენტარი გავაკეთოთ ჩვენ მიმართ გამოთქმულ უსაფუძვლო ბრალდებებთან დაკავშირებით:
გუშინ, 5 ნოემბერს, 22:17 სთ-დან 23:26 სთ-მდე დროის მონაკვეთში ტექნიკური ხარვეზის, უფრო კონკრეტულად კი, აპარატურის გაუმართაობის შედეგად გლობალურ ინტერნეტთან კავშირის დაკარგვის გამო, მიუწვდომელი იყო MYVIDEO.GE-ს ყველა სერვისი, გარდა ამისა 500-მდე სხვა ვებსაიტი, მათ შორის News.Ge, freshnews.ge, GeoNews.ge და სხვა.
შესაბამისად, არ ვიღებთ კონკრეტული პირების მიერ myvideo.ge-ს მიმართ გამოთქმულ არასერიოზულ ბრალდებას ამა თუ იმ პოლიტიკოსის დაბლოკვის შესახებ. აქვე დავძენთ, რომ myvideo.ge მომხმარებლების მიერ გენერირებული პოლიტიკურად ნეიტრალური ვიდეო პორტალია და მოვუწოდებთ მედია საშუალებებს თავი შეიკავონ გადაუმოწმებელი ინფორმაციის გავრცელებისა და myvideo.ge-ს იმიჯის უსაფუძვლოდ შელახვისაგან", -ნათქვამია განცხადებაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
