დიზაინერი თათა ვარდანაშვილი დაკითხეს

შინაგან საქმეთა სამინისტროს საგამოძიებო ნაწილში დიზაინერი თათა ვარდანაშვილი დაკითხეს .

როგორც "ინტერპრესნიუსს" ვარდანაშვილმა განუცხადა, დაკითხვა შეეხებოდა მის საწარმოში თანამშრომლებს შორის მომხდარ კონფლიქტს.

თუმცა, გავრცელდა ინფორმაცია, რომ თათა ვარდანაშვილი პროკურატურაში დაიკითხა თავდაცვის სამინისტროსთვის სამხედრო ფორმების შეკერვასთან დაკავშირებული ტენდერის თაობაზე. აღნიშნულ ინფორმაციას ვარდანაშვილი უარყოფს და აცხადებს, რომ მისი საწარმო სამხედრო მოსამსახურეებისთვის ფორმებს ახალი ხელისუფლების მოსვლის შემდეგ აღარ კერავს.