29
მარტიდღის ზოგადი ასტროლოგიური პროგნოზი
ვინ რა ძალებს ფლობს და ვინ ვისთან არის დაპირისპირებული კოალიციაში, და რამდენად რეალურია, რომ დაკარგოს უმრავლესობა "ქართულმა ოცნებამ" პარლამენტში. კითხვის საფუძველს იძლევა ის მოცემულობა, რომ საპარლამენტო უმრავლესობის შემადგენლობიდან ფრაქცია "ქართული ოცნება – თავისუფალი დემოკრატების" გასვლის შემთხვევაში, მმართველი გუნდი პარლამენტში უმრავლესობის გარეშე დარჩება. "ქართული ოცნება" უმრავლეობის დაშლის თავიდან აცილებას მხოლოდ იმ შემთხვევაში შეძლებს, თუ მასთან გაერთიანებას ე.წ. დამოუკიდებელ დეპუტატები მოისურვებენ.
ამ საკითხებზე Ambebi.ge დამოუკიდებელ ექსპერტთა კლუბის პრეზიდენტს, სოსო ცისკარიშვილს ესაუბრა.
- ღირებულებათა დაპირისპირება ბევრად უფრო დამაფიქრებელია, ვიდრე რომელიმე კოალიციის ამა თუ იმ ფრთის რაოდენობა. რადგან სათქმელი ითქვა, და ეს სათმქელი მძიმე მოსასმენი იყო ჩვენი ახალგაზრდა პრემიერისთვის, მისი ისტერიული ნაბიჯი უკვე გადადგმულია. ახლა უნდა ვივარაუდოთ, რომ კოალიციის გადალაგებაც უნდა მოხდეს იმ წყალგამყოფის სხვადასხვა მხარეს, რასაც ქვია ევროატლანტიკური პერსპექტივა და ევრაზიული პერსპექტივა. სწორედ ეს უნდა იყოს პატიოსან პოლიტიკოსთა გაყრის წინაპირობა...
- რომ დავუბრუნდეთ პარლამენტს და უმრავლესობის საკითხს. რამდენად რეალურია სცენარის იმგვარი განვითარება, რომ მმართველი კოალიციის გავლენა კიდევ უფრო დასუსტდეს ქვეყნის საკანონმდებლო ხელისუფლებაში?
- ბუნებრივი იქნებოდა, რომ ეს უმრავლესობა დაშლილიყო, მაგრამ არ ყოფილიყო დაპირისპირებული ყველა საკითხზე. არსებობს ცნობიერებითი ფასეულობები... გვეგონა, რომ ევროატლანტიკური არჩევანი ეჭვის ქვეშ აღარასდროს დადგებოდა, თუმცა სახეზეა ისეთი ქმდებები, რომელიც ამ თემის აქტუალიზაციას ახდენს. ვნახოთ, რამდენად გახსნის ფრჩხილებს ბატონი ალასანია... დარწმუნებული ვარ, ინფორმაცია, რომელიც მას გააჩნია, საფუძვლიანია და არანაირ ინტრიგას არ აქვს ადგილი.
რაც შეეხება პარლამენტს, პარლამენტი საქმიანობას ისევ ტრადიციული ზოლის გამოყენებით გააგრძელებს, - ვგულისხმობ "ნაციონალებსა" და "ოცნებას" შორის, ხოლო ამ მეოცნებეთა რაოდენობა აღარ იქნება ძირითადი მახასიათებელი კოალიციისთვის, აქ უნდა იყოს ფასეულებათა გამიჯვნა პოლიტიკოსებისა, ხოლო როგორც კი საქმე შეეხება "ნაციონალურ მოძრაობასთან" დაპირისპირებას, კოალიცია უმალ ფენიქსივით აღდგება და რაიმე ოპტიმიზმის საფუძველი "ნაციონალურ მოძრაობას" არ უნდა გააჩნდეს. "ნაციონალური მოძრაობა" იქნება გამაერთიანებელი დაშლილი კოალიციისა...
- თქვენ ახსენეთ ფასეულობები და ღირებულებები, რითიც ალასანიას გუნდი ძალიან ახლოს არის "რესპუბლიკელებთან". აი ამ შიდა კოალიციურ დაპირისპირებაში, როგორ ფიქრობთ, ვის სასარგებლოდ გააკეთებენ არჩევანს "რესპუბლიკელები"...
- შიდა დაპირისპირება გამოწვეულია იმ გაუგებრობით, რომელიც მოულოდნელად თავს დაატყდა ჩვენს ახალგაზრდა პრემიერ-მინისტრს და რომელსაც მოუწია ისეთი გადაწყვეტილებების მიღება, რომელიც, შესაძლოა, არც მას სიამოვნებს, მაგრამ მას ხომ ორჯერ თქმა არაფრის არ სჭირდება...
როგორ განვითარდება მოვლენები მმართველ კოალიციაში, ეს უფრო ნათელი დღის ბოლოს გახდება, როდესაც პოლიტსაბჭოს გაფართოებული სხდომა გაიმართება.
გიორგი გიორგაშვილი
AMBEBI.GE
