მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
არასამთავრობოთა კვლევის მიხედვით, ციხეებში წამებას სისტემური ხასიათი ჰქონდა
05:47 / 04-11-2014
ციხეებში წამებას სისტემური ხასიათი ჰქონდა, - ამის შესახებ ფონდ "ღია საზოგადოება - საქართველოს" და ციხეების კვლევების საერთაშორისო ცენტრის კვლევებმა აჩვენა, რომლის მიზანი იყო 2006-2012 წლებში საქართველოს საპატიმროებში წამებისა და არაადამიანური მოპყრობის მიზეზების შესწავლა და შესაბამისი რეკომედაციების წარმოდგენა. კვლევის შედეგების პრეზენტაცია სასტუმრო "ჰოლიდეი ინში" გაიმართა. როგორც "ღია საზოგადოება - საქართველოს" დირექტორმა, ქეთი ხუციშვილმა განაცხადა, ახალი ხელისუფლების პირობებში წამებას სისტემური ხასიათი ნამდვილად არ აქვს, თუმცა დარღვევები არსებობს. მისი თქმით, კვლევების მიზანი ის არის, რომ მსგავსი რამ მომავალში არ განმეორდეს.
"ანგარიში, რომელიც წარმოვადგინეთ, არასამთავრობოებთან ერთად ორი წელია მზადდება. ცნობილი სკანდალის შემდეგ, ამ ანგარიშის მიზანი იყო, შეგვესწავლა არა მარტო ცალკეული ფაქტები, არამედ გაგვეგო, იყო თუ არა წამება და არაადამიანური მოპყრობა სისტემური და რამ გამოიწვია იგი. ანგარიშმა აჩვენა, რომ წამება მართლაც სისტემური იყო, რასაც მრავალმა ფაქტორმა შეუწყო ხელი. ის იყო სისტემის გადატვირთვა, ნულოვანი ტოლერანტობა, ციხის მართვის ძალადობრივი ფორმები და ა.შ. ახლა კი, ანგარიშის მიზანი არის ის, რომ მსგავსი აღარ განმეორდეს, შეიქმნას მექანიზმები და ისეთი საკანონდებლო წინაპირობა, რომ ვეღარცერთმა ხელისუფალმა ადამიანის უფლებათა რღვევა ვერ შეძლოს საქართველოში", - განაცხადა ქეთი ხუციშვილმა.
მისი თქმით, დარღვევები დღესაც არის, თუმცა ეს სისტემურ ხასიათს არ ატარებს. ციხეებში არსებული წამებისა და მათი ვიდეოგადაღების მიზეზების მასშტაბებისა და შედეგების შესწავლა ადგილობრივმა და საერთაშორისო უფლებადამცველებმა 2013 წელს დაიწყეს. ანგარიში მოიცავს პატიმრებთან და ყოფილ პატიმრებთან ჩატარებული გამოკითხვის სრულიად ახალ მონაცემებს, რომელიც ფონდმა "ღია საზოგადოება - საქართველომ" და მისმა პარტნიორმა ორგანიზაციებმა განახორციელეს. გამოკითხვის ორგანიზატორების ინფორმაციით, კვლევის პროცესში პირადი ინტერვიუების სახით გამოიკითხა1 200 მსჯავრდებული, რომელთაგან 600 ყოფილი პატიმარია.
"ღია საზოგადოება - საქართველოს" ინფორმაციით, კვლევის შედეგები პასუხობს კითხვებს: როდის დაიწყო, რამდენად გავრცელებული იყო და რამდენად სისტემური და ხშირი ხასიათი ჰქონდა არაადამიანურ და დამამცირებელ მოპყრობას. ანგარიში მოიცავს კონკრეტულ რეკომედაციებს სამომავლო მსგავსი პრაქტიკის აღმოფხვრის მიმართულებით და ზოგადად ციხის მართვის საკითხებზე. სამუშაო ჯგუფი, რომელმაც კვლევა ჩაატარა, აერთიანებს ადამიანის უფლებათა დაცვის სფეროში მომუშავე ადგილობრივ და საერთაშორისო არასამთავრობო ორგანიზაციებს, ასევე ისეთ საერთაშორისო ექსპერტებს, როგორებიც არიან ბარონესა ვივიენ სტერნი, ციხის საერთაშორისო რეფორმის დამაარსებელი, ბრიტანეთის ლორდთა პალატის წევრი; პროფესორი ენდრიუ ქოილი, ციხის კვლევების საერთაშორისო ცენტრის დირექტორი და გაერო-ს ადამიანის უფლებათა დაცვის უმაღლესი კომისრის მრჩეველი სასჯელაღსრულების საკითხებში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
