მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საგარეჯოში ლეკვის ქონისგან წამალს ამზადებენ? - ეწირება თუ არა ძაღლების სიცოცხლე გაურკვეველ პრეპარატს
08:36 / 03-11-2014
იმის მიუხედავად, რომ დღეს ტუბერკულოზის მკურნალობა საქართველოში ყველა მოქალაქისათვის ხელმისაწვდომი და უფასოა, გავრცელდა ინფორმაცია, რომ საგარეჯოს რაიონის სოფელ გიორგიწმინდაში ცხოვრობს ქალბატონი, ვინმე ვარდიკო, რომელიც ლეკვის ქონისგან ამზადებს ტუბერკულოზის სამკურნალო წამალს, - აღნიშნულის შესახებ Ambebi.ge-ს "სრულიად საქართველოს ცხოველთა დაცვის საზოგადოების" თავმჯდომარემ, ვახტანგ მამალაძემ უამბო:
"ჯერ კარგად კვებავს, ასუქებს ლეკვებს და შემდეგ ქონს იყენებს წამლისთვის. ამის შესახებ ტუბერკულოზით დაავადებულმა ბევრმა ადამიანმა იცის და ყიდულობენ კიდეც ვარდიკოს წამალს. არსებობენ თვითმხილველებიც, თუმცა მათ ვინაობას ვერ დავასახელებ. რამდენჯერმე მეზობლებმაც შეუშალეს ხელი ამ საქმიანობაში, მაგრამ უხეშად მოიშორა თავიდან – ჩემი შვილის ბიზნესს ნუ მიფუჭებთო. დაახლოებით ორი თვის წინ გარემოს დაცვისა და ბუნებრივი რესურსების სამინისტროს დავუკავშირდი და მივაწოდე ინფორმაცია, რომ შესაბამისი რეაგირება მოეხდინათ",- აცხადებს ვახტანგ მამალაძე.
როგორც ორგანიზაციაში აცხადებენ, ქალბატონთან დაკავშირებას ვერ ახერხებენ, რადგან ტელეფონის ნომერი, რომლიდანაც ერთხელ განახორციელა ზარი, ახლა მას აღარ ეკუთვნის:
"ეს ქალბატონი სხვადასხვა ნომრებიდან რეკავს ცხოველთა თავშესაფრებში და ლეკვების ჩუქებას ითხოვს. ექსპერიმენტიც ჩავატარეთ ახლახან და საზღვარგარეთიდან დავარეკინეთ ერთ ადამიანს, რომელმაც ლეკვების ჩუქება შესთავაზა, რაზეც უპასუხა, რომ სამს იჩუქებდა. ჩნდება ეჭვი, თუ ადამიანს შინაური ცხოველის ყოლა სურს, სამი ერთად რად უნდა?",- ამბობს სრულიად საქართველოს ცხოველთა დაცვის საზოგადოების თავმჯდომარე, ვახტანგ მამალაძე.
Ambebi.ge ცდილობს დაუკავშირდეს ქალბატონს, რომელსაც ვახტანგ მამალაძე საკმაოდ მძიმე ბრალდებას უყენებს.
შეგახსენებთ, რომ სისხლის სამართლის კოდექსის 259-ე მუხლის მიხედვით, ცხოველისადმი სასტიკი მოპყრობა, რამაც მისი დაღუპვა ან დასახიჩრება გამოიწვია, აგრეთვე ცხოველის წვალება, ისჯება ჯარიმით ან გამასწორებელი სამუშაოთი, ვადით ერთ წლამდე. ხოლო იგივე ქმედების ჯგუფურად, არაერთგზის, მცირეწლოვანის თანდასწრებით განხორციელება ისჯება ჯარიმით ან თავისუფლების აღკვეთით, ვადით ორ წლამდე.
სალომე შიხაშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
