17
ივნისიდღის ზოგადი ასტროლოგიური პროგნოზი
ყვარელში "ცივი ომის" დროს ატომური დაბომბვისგან თავშესაფრად აგებული საიდუმლო გვირაბი დღეს კახეთის საუკეთესო ღვინოების, მათ შორის ქვევრის ღვინოების შესანახად გადაიქცა.
გასული საუკუნის 50-იანი წლების შუახანებში, როდესაც მსოფლიოში "ცივი ომი" ძალას იკრებდა და ორი ზესახელმწიფო - აშშ და საბჭოთა კავშირი გამალებული აწყობდა ატომურ ბომბებს, საჭირო გახდა ისეთი მიწისქვეშა თავშესაფრების მოწყობა, რომლებიც ატომურ აფეთქებასაც გაუძლებდნენ. ამერიკაში შეძლებული მოქალაქეები ინდივიდუალურ მიწისქვეშა ატომურ თავშესაფრებსაც კი აწყობდნენ საცხოვრებელი სახლების ქვეშ, საბჭოთა კავშირში ეს წარმოუდგენელი გახლდათ, თუმცა აქაც ითხრებოდა კოლექტიური თავდაცვის თავშესაფრები. ერთ-ერთი ასეთი ატომური თავშესაფარი ყვარლის რაიონში, კავკასიონის კლდის მასივშიც გამოიკვეთა XX საუკუნის 50-იანი წლების ბოლოს.
ყვარლის ატომური თავშესაფარი წარმოადგენდა 500-მეტრიანი ორი მთავარი და 13 მათთან დამაკავშირებელი გვირაბების კომპლექსს, რომელთა საერთო სიგრძე 7,7 კმ-ს შეადგენდა.
1962 წლისთვის ყვარლის ატომურმა თავშესაფარმა პირვანდელი დანიშნულება დაკარგა (შეიძლება იმიტომაც, რომ მთლად ვერ პასუხობდა ატომური დაბომბვისგან თავდასაცავად საჭირო უსაფრთხოების მოთხოვნებს), სამაგიეროდ, კახელი მეღვინეების დიდი დაინტერესების საგანი გახდა.
საქმე ის არის, რომ გვირაბში წელიწადის ნებისმიერ დროს ბუნებრივი ტემპერატურა 12-14 გრადუსია, რაც მეღვინეების მტკიცებით იდეალური პირობაა ღვინის შენახვისა და დაძველებისთვის.
